Әтнә районында кешеләр һәм кыргый табигать вәкилләре арасында үзара ярдәм итешүнең күңелләрне нечкәртә торган вакыйгасы булды. Битараф булмаган җирле халык ТР Биоресурслар буенча дәүләт комитетының районара бүлеге хезмәткәрләре белән берлектә катлаулы хәлдә калган маралны тәрбияләргә тотынды. Кар күп яуганлыктан, хайванга урманда азык табу бик авыр була башлый. Азык эзләп, марал гадәтләнгән яшәү тирәлеген ташлап, торак пунктка килеп керә. Урманнан килгән кунакка авыр вакытларны кичерергә булышу өчен, кешеләр аның өчен махсус утар ясыйлар. Көн саен алар анда ашлык һәм печән алып киләләр – болар исә нәкъ менә маралга көч туплау өчен кирәкле азык.

  Пенсия ташламасын рәсмиләштерү тагын да җиңелрәк: Мәскәүдә «Перекресток» һәм «Пятерочка» пилот кибетләрендә әлеге мөмкинлек тудырылган үз-үзеңә хезмәт күрсәтү кассалары барлыкка килде. Берничә атнадан хезмәт бөтен ил буйлап челтәрләрнең барлык кибетләрендә эшли башлаячак.

Чистай районында җирле Сукырлар җәмгыяте активистлары өчен танып-белү очрашуы узды. «Чиста болыннар» тыюлыгы хезмәткәрләре кунакларны махсус саклана торган территория тарихы белән таныштырдылар, аның экологик роле һәм сирәк төрләрне саклау өчен әһәмияте турында җентекләп сөйләделәр. Татарстан Республикасының Кызыл китабына кертелгән һәм тыюлык территориясендә үсә торган дару үсемлекләренә аерым игътибар бирелде.

Кыш – урмандагы тереклек өчен авыр вакыт: аларның төп азыгы – үсемлекләр, җиләкләр, җимешләр һәм тамырлар – кар астында яшеренә, ә салкыннарда көчләрен саклап калу өчен, хайваннарга яхшы тукланырга кирәк. Татарстан Республикасы Биоресурслар буенча дәүләт комитеты хезмәткәрләре, җәнлекләргә бу чорны ичәргә булышу максатыннан, тукландыру мәйданчыклары оештыра, тирән карны ерып, юллар ача һәм тукландыру урыннарының торышын даими тикшереп тора.