«Тыюлыклы Татарстан»: ТР Биоресурслар буенча дәүләт комитеты яшьләрне экологик-агарту проектында катнашырга чакыра.
Татарстан Республикасы Биоресурслар буенча дәүләт комитеты 14 яшьтән 35 яшькә кадәрге гомуми белем бирү учреждениеләрендә укучыларны, өстәмә белем бирү учреждениеләрендә тәрбияләнүчеләрне, республиканың югары һәм урта һөнәри белем бирү учреждениеләре студентларын «Тыюлыклы Татарстан» экологик агарту проектында катнашырга чакыра.
Проект кысаларында катнашучылар табигатьне саклау белән бәйле һөнәрләр белән таныша алачак; фәнни тикшеренүләр үткәрүдә һәм башка гамәли эшләр башкаруда катнашачак; «Тыюлыклы Татарстан» тыюлык эше буенча интенсив (кадрлар мәктәбе) узачак; Идел-Кама дәүләт табигать биосфера тыюлыгында дүрт көнлек практикада катнашачак; «Дала», «Кичке таң», «Чиста болыннар» тыюлыкларында ике көнлек экологик десантка кушыла алачак. Интенсивта катнашу өчен 26 февральдә 18:00 сәгатькә кадәр сылтама буенча шәхсән онлайн ‑теркәлү узарга кирәк. Катнашу турында тулырак мәгълүматны +7 (996) 9070151 телефонына шалтыратып, «Тыюлыклы Татарстан» экологик агарту проекты җитәкчесеннән ачыкларга мөмкин.
Чараны Татарстан Республикасының «Чиста булачак» төбәк яшьләр экология иҗтимагый оешмасы; «Идел‑Кама дәүләт табигый биосфера тыюлыгы» ФДБУ; Татарстан Республикасының Биологик ресурслар буенча дәүләт комитеты; Татарстан Республикасы Экология һәм табигый ресурслар министрлыгы оештыра. Әлеге башлангыч Россия Федерациясе Президенты гранты ярдәмендә гамәлгә ашырыла. Проект «Яшьләр һәм балалар» милли проектының максатларына ирешүгә ярдәм итә.