«Алтын бәке» һәм «Балык – булсын!»: Актаныш районында кышкы ял яратучылар өчен кышкы чаралар узды

2026 елның 17 феврале, сишәмбе

Актаныш районы Чөгәнә авылы һәм төбәк әһәмиятендәге комплекслы профильле «Агыйдел елгасы дельтасы» табигать тыюлыгы территориясендә кышкы чара – «Алын бәке» боз астында балык тоту ярышлары һәм «Балык – Булсын! (Рыбе – быть!)» экологик акциясе узды. Быел ярышларга 60 тан артык һәвәскәр балыкчы, балалар, җәмәгатьчелек вәкилләре һәм ТР Биологик ресурслар буенча дәүләт комитеты хезмәткәрләре җыелды.

Ярышлар кышкы үзенчәлекле рәхәт атмосферада узды. Балык тоту – ипле генә эшләнә торган эш, һәм бу эш катнашучыларның һәр хәрәкәтендә сизелә иде. Балыкчыларның үз-үзләрен тотышларына карап, осталарны яшь балыкчылардан аерырга мөмкинлек бирә иде: берәүләр бәке тишкәндә, инде икенчеләре горурланып беренче тоткан балыкларын күрсәтәләр иде. «Кышкы балык тоту – осталыкны тикшерү генә түгел, табигатьтә һәм дуслар белән аралашудан ләззәтләнеп, саф һавада вакыт үткәрү өчен менә дигән мөмкинлек тә ул, – дип тәэсирләре белән уртаклаштылар катнашучылар. – Ярышларны оештыручыларга зур рәхмәтебезне белдерәбез. Һава торышының матур булуы төрле яшьтәге һәвәскәр балыкчылар арасында ярышларны уңышлы уздыруга ярдәм итте».

Балыкларның томалануын булдырмауга юнәлдерелгән «Балык – булсын!» экологик акциясе дә чараның мөһим өлешенә әверелде. Акция барышында катнашучылар җитди эш башкардылар: бозда 200 бәке борауланды, шулай ук анда камыш көлтәләре урнаштырылды. Бу чаралар сулыкларга кислород бирүне арттырырга ярдәм итә, бу исә кышкы чорда балык запасларын саклау өчен бик мөһим. Шулай итеп, чаралар спорт дәрте дә белән сугарылган иде, табигать турында кайгыртуны да чагылдырды, кышкы ялны яратучылар өчен чын бәйрәмгә дә әверелде.

Әлеге чаралар кешенең әйләнә-тирә мохиткә сакчыл мөнәсәбәтен үстерүгә юнәлдерелгән «Экологик иминлек» милли проектының максатларына ирешүгә ярдәм итә.