ТР Биоресурслар буенча дәүләт комитеты рәисе урынбасары Донбасс һәм Новороссия хакимият органнары вәкилләре өчен МСТТ белән идарә итү һәм саклау программасын эшләтеп җибәрүдә катнашты
Татарстанда «Махсус сакланылучы табигый территорияләрнең төбәк системаларында биосфера резерватларының роле: биотөрлелекне саклау бурычлары» темасына квалификация күтәрү программасы ачылды. Тыңлаучыларга сәламләү сүзе белән Татарстан Республикасы Биологик ресурслар буенча дәүләт комитеты рәисе урынбасары Рамил Шәрәфетдинов мөрәҗәгать итте. Ул вакыйганың регионара хезмәттәшлек өчен әһәмиятен ассызыклады: «Бүген табигатьне саклау эшчәнлеген үстерүдә һәм төбәкләр арасында һөнәри тәҗрибә уртаклашуда яңа этап булачак программа ачыла. Татарстан Республикасы МСТТ челтәрен актив үстерә: соңгы ун елда республиканың табигый мирасын саклауга ярдәм итә торган 20 яңа территория төзелде. Барлык катнашучыларга да нәтиҗәле эш, кызыклы дискуссияләр һәм яңа һөнәри элемтәләр телим!»
Өстәмә һөнәри белем бирү программасы катнаш форматта узачак: ул онлайн лекцияләр белән дистанцион модульне һәм Татарстанда күчмә стажировканы үз эченә ала.‑ Практик дәресләр Казан (Идел буе) федераль университетында, Идел‑Кама биосфера тыюлыгы территориясендә һәм ЮНЕСКО Бөтендөнья мирасы объектларында узачак. Әлеге башлангыч МСТТ белән идарә итү системасын ныгытуга юнәлдерелгән һәм Луганск һәм Донецк Халык Республикалары, Запорожье һәм Херсон өлкәләре белгечләре өчен гамәлгә ашырыла. Программа Россия Табигать министрлыгының Росзаповедцентры тарафыннан Казан (Идел буе) федераль университеты белән берлектә экологик гуманитар миссияләр һәм Россия Федерациясенең күрсәтелгән субъектларының дәүләт хакимияте органнары өчен кадрлар әзерләү кысаларында эшләнгән.