Яшь табигать сакчылары ТР Биоресурслар буенча дәүләт комитеты «Парклар маршы – 2026» Халыкара акциясендә катнашырга чакыра
Татарстан Республикасы «Туган табигать – яшәү өчен су чыганагы!» дигән илһамландыргыч девиз астында «Парклар маршы – 2026» халыкара акциясен башлап җибәрә. Татарстан Республикасы биоресурслар буенча дәүләт комитеты үсеп килүче буынны ике конкурска кушылырга чакыра: «Тыюлыклы табигать дөньясы» балалар сәнгать иҗаты конкурсы (тема: «Минем елгаларым, күлләрем, диңгезләрем табигате») – катнашучыларга су экосистемасын һәм анда яшәүчеләрне сайларга кирәк; «Без дөньяны чистартабыз» экологик десант конкурсы – катнашучыларга махсус сакланучы территорияләрне, паркларны, аллеяларны һәм яр буйларын җыештырырга һәм төзекләндерергә, үсемлекләр утыртырга яки кошлар өчен ясалма оялар урнаштырырга, ә аннары үз эшеңнең нәтиҗәләре белән уртаклашырга кирәк булачак.
Эшләр һәм хисаплар 17 апрельдән 23 майга кадәр кабул ителә. Иҗатыгыз яки кылган гамәлләрегез аша туган җирегез табигатен яратуыгызны һәм кадерләвегезне күрсәтегез әле. Конкурслар, эшләргә таләпләр һәм катнашу шартлары турында тулырак белешмәләрне сылтама аша һәм 8 (843) 2116862 телефон номерына шалтыратып белән аласыз. «Парклар маршы – 2026» Халыкара акциясенә кушылыгыз – бергәләп без дөньяны чистарак һәм матуррак итик!