«Ул борылып карамыйча да йөзеп китте»: Кызыл китапка кертелгән хәл җыйган, ныгыган ысылдавык аккош кыргый табигатькә әйләнеп кайтты
Хайваннар дөньясын саклау өлкәсендә инновацион технологияләр кертү үзәге директоры Яшел Үзән районының Кубар күлендә табигый яшәү тирәлегенә Кызыл китапка кертелгән ысылдавык аккошны чыгара. Ныгыган кош сыену урынын тиз генә калдырып китәргә ашыкмый – ул игътибар белән су өстен һәм күк йөзен карап чыга, шуннан соң суга таба ышанычлы гына берничә адым атлый да тиз генә ярдан йөзеп тә китә.
Бу кошны коткару тарихы – гадәти хәл, ләкин бик мөһим. Узган елның кышында ук аны Кабан күлендә табып алалар. Кош бик арыган, оча алмый һәм боз өстендә көч-хәл белән генә хәрәкәт итә. Белгечләр аны тернәкләндерү турында карар кабул итә. Берничә ай дәвамында аны тиешенчә тәрбиялиләр. Аккошның тулысынча сәламәт һәм мөстәкыйль рәвештә азык табарга сәләтле булуына ышангач кына, табигый яшәү тирәлегенә кайтару турында карар ителә.