Экологлар көне

5 июньдә ватаныбызның экологлары үзләренең профессиональ бәйрәмнәрен билгелиләр. Владимир Путин № 933 “ Экологлар көне турында” туры килүче боерыкка 21.07.2007 елда кул куйды. Бөтен дөнья тирә-як көне, яки Экологлар көне, бөтен европа илләрендә дә диярлек билгеләнеп үтә. Бу бәйрәм 1972 елның 15 декабрендә Бердәм милләтләр оешмасының Генераль Ассамблеясы инициативасы белән, “ җәмгыятьнең игътибарын тирә-якны саклауга һәм яхшыртуга юнәлтү” өчен урнаштырылды. Вакыты да очраклы түгел: 1972 елның 5 июнендә Бердәм милләтләр оешмасының тирә-якны саклау сораулары буенча беренче тапкыр махсус конференциясе үткәрелде. Экологлар көне Табигый байлыклар министрлыгы хезмәткәрләре,Табигатьне саклау буенча прокуратура хезмәткәрләре, Табигатьне куллану департаментлары хезмәткәрләре , ә шулай ук башка дәүләт һәм шәхси экологик берләшмәләрдә эшләүче хезмәткәрләрнең профессиональ бәйрәме. Традицион рәвештә, бу көнне бик күп экологик юнәлештәге чаралар уздырыла- конференцияләр, түгәрәк өстәлләр,форумнар һәм презентацияләр, ә шулай ук иҗтимагый һәм табигатьне саклаучы оешмалар белән балалар рәсемнәре күргәзмәсе, паркларның территориясен җыештыру, агачлар утырту һәм экологик проблемаларга һәм тирә-якны саклауга җәмгыятьнең игътибарын юнәлтә торган бүтән чаралар уздырыла. Татарстан республикасының хайваннар дөньясы объектларын саклау һәм файдалану Идарәсе бу бәйрәм белән бөтен экологларны һәм экологик проблемаларга битараф булмаган кешеләрне чын күңелдән котлый.Тирә-якны саклау эшендә тагын да зуррак кайгыртучанлык күрсәтергә һәм тагын да зуррак җаваплылыкны үз өстегезгә алуыгызны телибез. Безнең җиребез гел чиста һәм сәламәт булсын!