ДБО “Хайваннар дөньясын саклау өлкәсендә инновацион технологияләр кертү үзәге” питомнигыннан хәбәрләр.

Бүген ТР Биоресурслар буенча дәүләт комитеты хезмәткәрләре «Уылдык чәчү» операциясе кысаларында Татарстан табигатьне саклау прокуратурасы һәм транспортта полициянең линия бүлеге вәкилләре белән берлектә «Идел киңлекләре» тыюлыгы территориясендә рейд үткәрделәр.

Хөрмәтле хезмәттәшләр! Сезне Халыкара биологик төрлелек көне белән котлыйм! Бу көн безгә табигатьнең нәзбереклеге һәм бөеклеге, һәр төрнең, һәр экосистеманың җирдәге тереклек чылбырында бәяләп бетергесез звено булуын искә төшерә. Безнең уртак бурычыбыз – киләчәк буыннар өчен бу уникаль тормыш палитрасын саклап калу. Безнең эшебез, тикшеренүләребез һәм әйләнә-тирә дөнья турында көндәлек кайгыртуыбыз уңышлы булсын.

20 майда ТР Биоресурслар буенча дәүләт комитетында гомум кулланылыштагы аучылык биләмәләрендә аулаучы физик затлар арасында очраклы сайлап алу юлы белән (шобага) байбак аулау хокукына рөхсәтләрне бүлү булды.

Казан кешеләре Кызыл китапка кертелгән кызыл үрдәк бәбкәсен коткарган. Аны Авангард урамындагы йортларның берсенең түбәсендә тапканнар. Кошчык анда гаиләсе белән яшәгән, ләкин ниндидер мизгелдә гаиләсе очып киткән, ә ул түбәдә калган.