Дәүләт бюджет оешмасы “ Хайваннар дөньясын саклау өлкәсендә яңа технологияләр кертү үзәге” питомнигыннан хәбәрләр
Дөньядагы аучылык хуҗалыгына 40% кадәр табышны,ирексездә үстерелгән һәм аннары аучылык җир-суларына чыгарылган, кыргый хайваннарны тоту бирә. Табыштан башка бу экологик яктан да нәзакәтле ау алымы. Ул аз мәйданлы җирне һәм кертелгән хайваннарны кулланырга мөмкинлек бирә.
Идарә һәм ДБО “ Хайваннар дөньясын саклау өлкәсендә яңа технологияләр кертү үзәге” белән 4 төп юнәлеш буенча: алтай маралын, себер кыр кәҗәсен, ау кыргавылын, йорт куянын үрчетү системасы эшкәртелде һәм тормышка ашырыла. Барлык төрләрнең дә үрчүенә ирештеләр. Бер ел эчендә маралның баш саны 85кә кадәр , куянның 200гә кадәр( аучылык җир-суларында), кыргавылның ату астына 500 гә кадәр җитте. Даими нигездә кыргавылны аулау үзләштерелә һәм инде алып та барыла..
2015 елда инде 2 марал баласы туды. Бу 2014 ел белән чагыштырганда әзрәк иртәрәк. Бу ана боланнарның Татарстан Республикасы шартларына тулырак җайлашулары турында әйтеп тора. Болан балаларының саны 20 кадәр һәм артыгракка да үсәчәк дип ышанабыз.
Яшел Үзән районында урнашкан ДБО “ Хайваннар дөньясын саклау өлкәсендә яңа технологияләр кертү үзәге” питомнигына барырга ( экскурсияләр уздырыла) һәм боланнарны, маралларны, кыр кәҗәләрен, куяннарны карарга мөмкин булуы турында исегезгә төшереп китәбез. Рәхим итегез.