ЯҢАЛЫКЛАР

Тәтеш шәһәренең  «Әкият» балалар бакчасында, «Эко-мәктәп / Яшел байрак» халыкара программасын тормышка ашыру кысаларында, мәктәпкәчә белем бирү хезмәткәрләре өчен, «Идеяләр территориясе» дигән зона экологик фестивале узды.

Чарага «Озын Алан» тыюлыгы хезмәткәрләре дә кушылды.  Фестиваль педагогик тәҗрибәне уртаклашу, белем бирү эшчәнлегенең сыйфатын һәм нәтиҗәләрен камилләштерүгә ярдәм итүче инновацион педагогик идеяләрне эзләү, үстерү; педагогларның һөнәри компетентлыгын арттыру, аларның иҗади потенциалын, нәтиҗәле белем бирү технологияләрен куллану буенча иҗади эшчәнлеген үстерү максатыннан үткәрелде.

Педагоглар үз чыгышларын  презентацияләр һәм видеорепортажлар ярдәмендә алып бардылар, фестивальдә катнашучылар таныша һәм хәтта аларны практикада сынап карый ала торган, кызыклы һәм танып-белү уеннары, лепбукалар тәкъдим иттеләр.

ТР Дәүләт комитетының «Кичке Таң» тыюлыгы администрациясе Кырынды башлангыч мәктәп-балалар бакчасында Гаилә экологик проектлары конкурсы үткәрде.

 Укучыларның һәм аларның ата — аналарының тикшеренү эшләрендә тәкъдим ителгән шактый кызыклы темаларында хайваннарның, кошларның һәм балыкларның яшәү урыннары – бу туфрак, атмосфера һәм су,пычрану проблемалары ачылды. Шулай ук экология буенча проектлар темаларында дөрес ашау,  телефоннарның йогынтысы, калдыкларны утильләштерү һәм хуҗасыз хайваннар проблемалары да күтәрелде.

Үткәрелгән экспериментлар, төрле тәҗрибәләр, табигать күзәтүләре турында фоторәсемнәр һәм видеоматериаллар белән ныгытылган презентация, хикәяләр рәвешендә балалар үзләренең ата-аналары белән эшләгән проектларын якладылар.

Гадәттәгечә, чара ахырында җиңүчеләр билгеләнде. Алар Татарстан Республикасының Биологик ресурслар буенча дәүләт комитеты грамоталары белән бүләкләнде.

ТР Әтнә муниципаль районының Олы Әтнә урта мәктәбе нигезендә «Республикабызның биологик төрлелеген саклыйк һәм арттырыйк» дип исемләнгән район экологик конференция узды. Конференция эшендә ТР Әтнә районының 12 мәктәп укучылары катнашты. ТР Дәүләт комитетының "Ашыт" дәүләт тыюлыгы белгечләре-Әхмәтҗанов Р. З., Мөхәммәтҗанова А. Р., Абдрахманова Г. И. үз эшләре, киләчәк максатлар турында сөйләделәр һәм укучылардан әлеге мөһим темага үз фикерләре белән уртаклашырга сорадылар. Балалар үз чыгышларында безнең республиканың биологик төрлелеген саклау һәм арттыру буенча актуаль проблемаларга кагылдылар. Конференциядә чыгыш ясаучыларга  һәм актив катнашучыларга Татарстан Республикасының  Биоресурслар буенча дәүләт комитеты дипломнары һәм истәлекле бүләкләре бирелде.

2019 елның язгы ау чорында һәркемгә керергә рөхсәт ителгән аучылык җир-суларында аучылык ресурсларын табуга рөхсәтнамәләр бирү Татарстан Республикасының күп функцияле үзәкләре (КФҮ) аша алып барылачак.

2019 елның 13 апреленнән ТР КФҮ филиаллары эш графигы нигезендә гаризаларны кабул итә башлаячаклар.

Рөхсәтнамә алу өчен, нинди районда аулаудан карамастан, Татарстан Республикасы территориясендәге КФҮнең теләсә кайсы филиалына мөрәҗәгать итәргә мөмкин.

Рөхсәтнамә бирү түбәндәге документлар нигезендә башкарылачак:

- рөхсәт алу өчен гариза;

- шәхесне раслаучы документ (паспортның төп нөсхәсе);

- аучылык билеты (оригинал);

- рөхсәт биргән өчен дәүләт пошлинасын түләү турында квитанция (оригинал);

- хайваннар дөньясы объектларыннан файдаланган өчен түләү турында квитанцияләр (җыемнар ставкалары билгеләнгән хайваннар төрләрен аулаган очракта) (оригинал).

Гариза бирүченең вәкиле, гади язма формада язылган ышаныч кәгазе һәм шәхесне раслаучы документ нигезендә, рөхсәтнамәне алырга мөмкин.

Каурыйлы киекләргә язгы ау чоры 2019 елда 27 апрель көнне сәгать 00 башланачак һәм 6 май көнне 24.00 сәгатькә кадәр дәвам итәчәк.

Язгы чорда тынгылык сәгатьләре көн саен 10.00 сәгатьтән 17.00 сәгатькә кадәр билгеләнгән. Бу вакытта аулау тыела.

   Узган атнада Татарстан Республикасының кайбер районнарында (Чистай, Тәтеш, Арча, Буа, Әгерҗе, Азнакай һ.б.)  урнашкан гомуми белем бирү мәктәпләрендә, Бөтендөнья су ресурсларын саклау көненә, ә гади генә әйткәндә “ Су көне”нә багышланган экологик дәресләр узды.      Дәүләт комитеты хезмәткәрләре укучыларга суны сакчыл файдалану кирәклеге турында, сулыклар янында үз-үзеңне тоту культурасы турында, елгаларны пычратуның нәтиҗәсе турында һәм суның бөтен тереклегенә ничек кирәк булуы турында җиткерергә тырыштылар.

 Укучылар фикер алышуга кушылдылар һәм суны ничек сакларга кирәклеге турында үз фикерләрен әйттеләр.

Язгы ау чорында аулаганда  тотарга кирәкле төп кагыйдәләрне исегезгә төшереп китәбез.

 Ауга барганда аучының үзе белән түбәндәге документлары булырга тиеш:

а) аучылык билеты;

б) ау коралын кулланса, аны саклауга һәм үзе белән йөртүгә рөхсәтнамә;

в) һәркем керерлек аучылык җир-суларында ауларга чыкса, аучылык байлыкларын тотуга рөхсәтнамә;

г) беркетелгән аучылык җир-суларында ауларга чыкса, аучылык байлыкларын тотуга рөхсәтнамә һәм путевка.

         Хөрмәтле гражданнар, Татарстан Республикасының “Халык тикшерүе” дәүләт мәгълүмати системасында “Су биологик ресурсларын хокуксыз тоту (табу)” категориясе барлыгы турында,  Сезнең исегезгә төшерәбез.

Тоту коралларын (ятьмәләр, кысла тоткычлары һ.б.) хокуксыз  куллануны ачыклаган очракта, Сез ТР Дәүләт хезмәтләре порталы аша (https://uslugi.tatarstan.ru/open-gov/),  ачыкланган  бозу турында хәбәр  бирә аласыз.

Вәкаләтле вазыйфаи затлар,  үзләренең вәкаләтләре чикләрендә, хәбәрдә булган бозулар буенча  тикшерү уздырачаклар.

Татарстан Республикасының Биологик ресурслар буенча дәүләт комитетының «Ашыт» тыюлыгы хезмәткәрләре, Татарстан Республикасының Арча районы 6 нчы урта мәктәбе белән берлектә, планга кертелгән «Без Кызыл китаптан» дип аталган класс сәгате үткәрделәр. Тыюлык белгечләре Кызыл китапка кертелгән Татарстан Республикасының саклана торган территориясендә яшәүчеләр турында сөйләделәр, аның яңа редакциясе белән таныштырдылар.                                                                             Укучылар үз чиратында театральләштерелгән чыгыш күрсәттеләр. Мавыктыргыч уен-викторина ярдәмендә балалар Кызыл китапка кертелгән үсемлекләрнең һәм хайваннарның исемнәрен кабатладылар, шулай ук хайваннар дөньясы белән бәйле конкурс уздырылды, анда балалар үз куллары белән ясаган кул эшләнмәләрен күрсәттеләр. Викторинада һәм конкурста актив катнашучыларга ТР Дәүләт комитетының мактау грамоталары тапшырылды.

Хөрмәтле аучылар!

2019 елда язгы ау сезоны 27 апрельдән 6 майга кадәр булачак.

Сезгә җайлы булсын өчен, 2019 елның язгы ау чорында һәркемгә керергә рөхсәт ителгән аучылык җир-суларында аучылык байлыкларын табуга рөхсәтләр бирү буенча дәүләт хезмәте Татарстан Республикасының Күп функцияле үзәкләре (КФҮ) аша башкарылачак.

Для получения разрешения необходимо обратиться в любой филиал МФЦ на территории Республики Татарстан с заявлением на получение разрешения на добычу охотничьих ресурсов и охотничьим билетом. Графики работы и телефоны филиалов МФЦ указаны на официальном сайте: http://mfc16.tatarstan.ru/

Язгы ау чорында аучылык байлыкларын табуга рөхсәтләр алу өчен гаризалар кабул итү 2019 елның 13 апреленнән башланачак.

Рөхсәт алу өчен, аучылык байлыкларын табуга рөхсәт алу өчен гариза һәм аучылык билеты белән, Татарстан Республикасы территориясендәге КФҮнең теләсә кайсы филиалына мөрәҗәгать итәргә кирәк. КФҮ филиалларының эш графиклары һәм телефоннары аларның рәсми сайтында урнаштырылган: mfc16.tatarstan.ru.

Дәүләт пошлинасын, КФҮ хезмәткәре тарафыннан рөхсәт бирү мөмкинлеген раслаганнан соң гына, түләргә киңәш итәбез.

Аучылык байлыкларын табуга рөхсәтләр алу өчен гаризалар бланкларын, ә шулай ук дәүләт пошлинасын түләү өчен реквизитларны КФҮ филиалларында алырга мөмкин. Бланклар шулай ук Татарстан Республикасының Биологик ресурслар буенча дәүләт комитеты сайтында Хайваннар дөньясын кулланучылар өчен мәгълүмат бүлегендә урнаштырылган http://ojm.tatarstan.ru/rus/blank-dlya-oplati-sbora-gosposhlini.htm

Аучылык байлыкларын табуга рөхсәтләр бирә торган КФҮ филиалларының адреслары

Мөслим районы буенча район (районара) бүлеге башлыгы  Муринов Владимир Дмитриевичка, Мөслим районы территориясендә хайваннар дөньясын максатчан куллануга керткән өлеше өчен, Татарстан Республикасы Мөслим муниципаль районы Башкарма комитетының Рәхмәте белдерелде.