Кама Тамагы районында законсыз ау эше буенча суд утырышы узды

2019 елның 6 феврале, чәршәмбе

          Узган елның ноябрь аенда, Кама  Тамагы районында, законсыз рәвештә, аучылык хокукын бирүче тиешле  документлардан башка, Б. гражданины 2 кабан аткан, бу 180 000 сумлык аеруча зур күләмдә зыян китергән.

         Узган атнада суд булды. Суд хөкем ителүчене РФ Җинаять Кодексының 258 маддәсенең 2 өлешендә каралган җинаять кылуда (аеруча зур күләмдә зыян китерү белән кылынган законсыз ау) гаепле дип таныган һәм 1 ел сынау срогы белән (йомшартучы сәбәпләрне исәпкә алып, шул исәптән зыянны түләү) өч елга шартлы рәвештә ирегеннән мәхрүм итү рәвешендәге җәза билгеләгән.

Фото: www.pixabay.com