Арча районында мәктәпкәчә яшьтәге балалар белән экологик тәрбия бирү мәсьәләләрен хәл итүгә иҗади якын килү мәсьәләләре турында фикер алыштылар
Арчаның 1нче номерлы балалар бакчасында, үсеп килүче буынга экологик тәрбия бирүдә актив эш алып баручы тәрбиячеләр өчен, «Мәктәпкәчә яшьтәге балалар белән экологик тәрбия бирү бурычларын хәл итүдә иҗади якын килү»дигән темага семинар үткәрелде. Семинар эшендә «Ашыт» ДТКТ белгечләре Абдрахманова Гөлнара Ильяс кызы һәм Әхмәтҗанов Рәшит Зиннур улы катнашты, шулай ук Татарстан Республикасының Балтач районы һәм Киров өлкәсенең Малмыж районы тәрбиячеләре дә чакырылган иде.
Семинарда балалар тыюлык белгечләре тарафыннан оештырылган викторинада белемнәрен күрсәттеләр, ә тәрбиячеләр түгәрәк өстәл эшендә катнаштылар, аның барышында тәҗрибә уртаклаштылар, мәктәпкәчә белем бирү учреждениеләре хезмәткәрләренең экологик белем бирү эшчәнлеге чагылган эш проектын күрсәттеләр. Шул ук вакытта педагоглар тыюлык белгечләре белән экологик белем бирү өлкәсендә алга таба бергә эшләү өчен мәсьәләләр билгеләде.