Кече Чирмешән елгасында браконьер -балыкчыларны тоткарладылар

2019 елның 16 декабре, дүшәмбе

Узган атнада Дәүләт комитеты хезмәткәре Алексеевск районында үткәрелгән рейд барышында Кече Чирмешән елгасындагы табигать һәйкәле территориясендә тыелган балык тоту кораллары –ятьмәләрдән файдаланып балык тоткан браконьерларны тоткарлады.

Биләр авылында яшәүче 4 кеше җинаятьче булып чыкты. Тоткарлау вакытында алардан 48 данә балык, шулай ук 5 ятьмә һәм 3 боз боравы тартып алынды.  Хәзерге вакытта материаллар полициягә тапшырылды.

Җинаять эше каралганда, аеруча саклана торган табигый территориядә (бу очракта – табигать һәйкәле) законсыз балык тоту,  авырайткыч хәл булып торуы турында исегезгә төшерәбез.