2020-2021 елгы ау сезоны нинди булачак? Татарстанда кышкы исәпкә алуга әзерлек башланды
Биоресурслар буенча дәүләт комитеты белгечләре, аучылык байлыкларының кышкы маршрутын исәпкә алу кысаларында, 16 мең километрдан артык юл өйрәнеп чыгачаклар. Хәзерге вакытта эшләрне башкару өчен район белгечләренә GPS-навигаторлар сатып алынды. Электрон трекларны анализлау өчен , алар Комитетка мәҗбүри рәвештә биреләчәк. Татарстан тыюлыкларында һәм аучылык җир-суларында , GPS-навигаторлар ярдәмендә картага кертелгән эзләр,хайваннарның санын төгәлрәк билгеләргә мөмкинлек бирәчәк.
Аучылык байлыкларының кышкы маршрутын исәпкә алу 2020 елның 1 гыйнварыннан 29 февраленә кадәр узачак. Ул гомуми озынлыгы 16 220 км булган 1575 исәпкә алу маршруты буенча башкарылачак. Карда калдырылган 17 төр аучылык байлыкларының эзләре исәпкә алыначак. Исәпкә алу нәтиҗәләре 2020-2021 еллардагы ау чорында аучылык байлыкларын табу квоталары һәм нормалары нигезенә салыначак.