2021 елда язгы ау сезоны ачылу турында
2021 елның 3 апрелендә, шимбә көнне, Татарстан Республикасы территориясендә язгы ау сезоны ачыла. 23 марттан республиканың барлык КФҮләре рөхсәт бирә башладылар, беренче көндә ачык аучылык биләмәләренә документларны 2,7 меңнән артык аучы алып өлгергән. Бу сан 2019 елның шул ук күрсәткеченнән 2,5 тапкыр артып китә.
2020 елда язгы ау вакыты бөтен ил буенча үзгәрде. Яңа кагыйдәләр нигезендә, ата үрдәкләргә ана үрдәкләрдән файдаланып, хәзер, элек булган кебек, ун көн түгел, ә бер ай буе ауларга була. Шулай итеп, сроклар турында нәрсә белергә кирәк:
3 апрельдән 6 майга кадәр, ана үрдәкләрдән файдаланып, ата үрдәкләргә ау ачыла.
17 апрельдән 26 апрельгә кадәр ана үрдәктән файдаланмыйча ата үрдәккә һәм башка су йөзүче киек кошларга ау рөхсәт ителә. Шулай итеп, ана үрдәктән файдаланмыйча ата үрдәкне һәм шулай ук казларны 10 календарь көне эчендә ауларга ярый.
24 апрельдән 3 майга кадәр урман киек кошларына ау ачыла. Димәк, вальдшнепны, суерны һәм көртлекне шулай ук 10 календарь көне ауларга ярый.
Мәгълүматны үз вакытында алу өчен, сезгә Комитетның рәсми сайтында яңалыкларга язылырга киңәш итәбез https://ojm.tatarstan.ru/