Балаларга табигать турында:Тәтеш районы укучылары «Озын Алан» тыюлыгында булып кайттылар
Татарстан Республикасының Биоресурслар буенча дәүләт комитеты үсеп килүче буынның экологик культурасын һәм грамоталылыгын күтәрү буенча актив эш алып бара. Әлеге эш кысаларында ведомство белгечләре тарафыннан балалар бакчаларында тәрбияләнүчеләр һәм мәктәп укучылары арасында чаралар оештырыла.
Чираттагы чара Тәтеш районының «Чайка» лагере балалары һәм тәрбиячеләре өчен узды. «Озын Алан» дәүләт табигать тыюлыгы хезмәткәрләре аларны тыюлык эшчәнлеге белән таныштырдылар һәм экскурсия үткәрделәр.
Чара барышында балалар тыюлыкның хайваннар һәм үсемлекләр дөньясы белән таныштылар. Алар дүдәк, кыр карчыгасы, елга каракошы, зур каракош, балыкчы карчыга, яшел һәм чал тукраннар, урман тургае һәм башкаларның яшәү шартларын күрделәр.
Экскурсия «теләкләр аллеясы»нда теләкләр теләү һәм Татарстан Республикасының Биологик ресурслар буенча дәүләт комитетыннан бүләкләр тапшыру белән тәмамланды.