«Татарстанның су энҗеләре» дигән махсус проект:Ык елгасы
Татарстан табигый ресурсларга бай төбәк булып тора. Республикадагы су бассейннарының гомуми мәйданы 4 мең квадрат километрдан артып китә. Һәм һәр су объекты – куәтле һәм тулы сулы елгадан алып кечкенә күлгә кадәр-игътибарга лаек. Безнең махсус проект нәкъ менә аларга багышланачак.
Шулай итеп, бүгенге көннән башлап, ТР Биоресурслар буенча дәүләт комитетының инстаграм битендә теләгән һәркем республика елгалары турында кызыклы фактлар һәм мавыктыргыч хикәяләрне белә алачак.
Шуларның берсе- 5 район-Азнакай, Актаныш, Баулы, Мамадыш һәм Мөслим аша үтүче, региональ әһәмияттәге «Ык» елгасы табигать һәйкәле. Аның озынлыгы 436 км тәшкил итә.
Елганың асимметрик үзәне киң полоса белән төньякка китә, тармаклана, кушылдыкларның үзәннәрен үз эченә ала.
Елганың 91 кушылдыгы бар, алар куе елга челтәрен тәшкил итә (0,35 - 0,48 км/кв.км). Елганың 10 кушылдыгыннан артыгы - 30дан 155 км озынлыкка ия. Елганың югары агымының 67 км Башкортостан территориясендә, 120,3 км түбән агымы Татарстан территориясендә урнашкан Һәм елганың 250 км Башкортостан белән Оренбург өлкәсе, Башкортстан белән Татарстан арасындагы административ чик булып кына түгел, ә ике сәгать поясы чиге булып та тора.
Елга күп сулы, кушылдыклары көйләнгән. Елганың туенуы катнаш, күбесенчә карлы (52%). Гидрологик режим зур ташу һәм озак вакыт түбән су дәрәҗәсе белән характерлана.