Балаларга табигать турында: яшь эко-активистлар «Чиста урман» табигать саклау акциясендә катнаштылар

2021 елның 23 сентябре, пәнҗешәмбе

Татарстан Республикасы Биоресурслар буенча дәүләт комитеты тарафыннан табигать дөньясына сак караш үстерү буенча актив эш алып барыла. Әлеге эш кысаларында ведомство белгечләре тарафыннан балалар бакчаларында тәрбияләнүчеләр һәм мәктәп укучылары арасында төрле чаралар оештырыла.

Шуларның берсе Тәтеш шәһәренең «Каенкай» балалар бакчасында тәрбияләнүчеләр өчен узды. «Озын Алан» тыюлыгы белгечләре балаларга «Урман хезмәткәре көне» бәйрәменең тарихы һәм урманчы һөнәренең әһәмияте турында сөйләделәр.

Чара барышында балалар «Чиста урман»дип аталган табигать саклау акциясендә катнаштылар. Алар корып төшкән ботакларны җыярга булыштылар һәм  карагачларны үлчәделәр.

Чара ахырында укучылар Татарстан Республикасы Биологик ресурслар буенча дәүләт комитетыннан бүләкләр алдылар.

 

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International