ТР Биоресурслар буенча дәүләт комитетында профилактика программалары турында фикер алыштылар
Татарстан Республикасы Биоресурслар буенча дәүләт комитеты тарафыннан 2022 елга түбәндәге контроль (күзәтчелек) төрләре буенча закон тарафыннан саклана торган байлыкларга зыян китерү куркынычы буенча программа проектлары эшләнде. Алар арасында:
- региональ әһәмияттәге махсус сакланыла торган табигать территорияләрен саклау һәм алардан файдалану өлкәсендә региональ дәүләт күзәтчелеге,
- Татарстан Республикасы территориясендә, федераль әһәмияттәге махсус сакланыла торган табигать территорияләреннән тыш, Россия Федерациясенең тапшырылган вәкаләтләре буенча, федераль дәүләт аучылык күзәтчелеге,
- дәүләт экологик күзәтчелеге кысаларында, Татарстан Республикасы территориясендә урнашкан федераль әһәмияттәге махсус сакланыла торган табигать территорияләрендә урнашкан хайваннар дөньясы объектларыннан һәм алар яшәгән мохиттән тыш, Татарстан Республикасы территориясендә хайваннар дөньясы объектларын һәм аларның яшәү тирәлеген саклау, торгызу һәм куллану өлкәсендә, федераль дәүләт күзәтчелеге.
Алар турында ТР Биоресурслар буенча дәүләт комитетының Иҗтимагый советы утырышы барышында фикер алышынды.
Программаларның проектлары контрольдә тотылырга тиешле өлкәдә мәҗбүри таләпләрне бозу санын киметү, закон тыңлаучан гражданнар һәм оешмалар өлешен арттыру, табигый объектларга зыян китерергә мөмкин булган сәбәпләрне, шартларны бетерү һ. б. максатларда эшләнә.
Хәзерге вакытта алар турында җәмәгатьчелек фикер алыша. Алар белән тулырак сылтама буенча танышырга мөмкин.