Азнакайда «Сыерчык оясы яса-кошларга ярдәм ит» акциясендә катнашучыларны бүләкләделәр

2021 елның 24 ноябре, чәршәмбе

Азнакайда «Сыерчык оясы яса-кошларга ярдәм ит»  акциясенә йомгак ясадылар. Чара «Кышын кошларны ашатыгыз!» Бөтенроссия экологик акция кысаларында оештырылды.

Акциядә Азнакай шәһәренең 4 нче лицей укучылары катнашты. Конкурста 30 сыерчык оясы һәм җимлек сайлап алынды. Креатив җимлекләрне Кәрим Гарипов, Зәлинә Степанова, Арина һәм Риана Черных ясадылар.

Конкурста җиңүчеләр: 1 урын - Марат Дәвликамов, 2 урын - Тимур Хисамов һәм 3 урын - Алмаз Айратов.

Чара ахырында укучылар җимлекләрне мәктәп яны территориясендә элделәр. Акциядә катнашучыларның барысы да ТР Биоресурслар буенча дәүләт комитетыннан грамоталар һәм истәлекле бүләкләр белән бүләкләнде.