Аучыларның эш көннәре: Татарстанда каурыйлы кошларның кайбер төрләренә ау сезоны тәмамлана
Татарстан Республикасы Биоресурслар буенча дәүләт комитеты хәбәр итә: 5 декабрьдә республикада киләсе төрләргә ау сезоны тәмамлана:
- мылтык асты этләреннән башка су йөзүче, сазлык-болын, дала һәм кыр киек кошларына;
- мылтык асты этләре ярдәмендә су йөзүче һәм сазлык-болын киек кошларына.
Исегезгә төшерәбез, ау кагыйдәләре белән тәңгәл килеп, каурыйлы кошлар төрләренә түбәндәгеләр керә:
Сазлык-болын: урман үрдәге, чуллыклар, гаршнеп, корыхтан, тәкәрлек, тулес, хрустан, улитлар, саз шөлдиләре, кроншнеплар, мородунка, камнешарка, тартар, гади кугыч;
суда йөзүче киекләр: казлар, үрдәкләр, кашкалаклар;
дала һәм кыр киекләре: бүдәнә, күгәрченнәр, урман күгәрченнәре һәм соры көртлек;
урман киек кошлары: тәләттәвеч, суер, боҗыр һәм урман тавыгы.
Аучылык байлыкларын табу турында белешмәләр рөхсәт алу урыны буенча, ау сезоны тәмамланганнан соң 20 көн эчендә тапшырылырга тиеш.
Табылган аучылык байлыклары турында мәгълүматларны вакытында тапшырмау гражданинны 1 елга теләсә кайсы төр аучылык байлыкларын табуга рөхсәт алу хокукыннан мәхрүм итә.
Моннан тыш, Административ хокук бозулар кодексы белән, табылган аучылык байлыклары турында мәгълүматларны вакытында тапшырмаган өчен җаваплылык каралган.