Татарстанда тикшерү кәгазьләре эшләнде
Татарстан Республикасы Биоресурслар буенча дәүләт комитеты республикада региональ әһәмияттәге махсус сакланыла торган табигать территорияләре һәм аларның саклау зоналары чикләрендә үз эшчәнлекләрен гамәлгә ашыручы юридик һәм физик затларга планлы тикшерүләр үткәргәндә кулланыла торган тикшерү кәгазен раслау турында хәбәр итә.
Норматив-хокукый акт 2020 елның 31 июлендәге 248 номерлы «Россия Федерациясендә дәүләт контроле (күзәтчелеге) һәм муниципаль контроль турында» федераль закон һәм ТР Биоресурслар буенча дәүләт комитетының 17.02.2021 елдагы 39-од номерлы боерыгы нигезендә эшләнгән.
Ул региональ әһәмияттәге махсус сакланыла торган табигый территорияләрдә һәм аларның саклау зоналары чикләрендә, «Махсус сакланыла торган табигать территорияләре турында» 33 нче номерлы федераль законда, башка федераль законнарда һәм алар нигезендә кабул ителә торган Россия Федерациясенең башка норматив хокукый актларында, шулай ук Татарстан Республикасының махсус сакланыла торган табигать территорияләрен саклау һәм алардан файдалану өлкәсендәге норматив хокукый актларында беркетелгән мәҗбүри таләпләрне, юридик һәм физик затлар тарафыннан саклау артыннан региональ дәүләт контролен (күзәтчелеген) гамәлгә ашыру максатларында эшләнде.
Тикшерү кәгазендә махсус сакланыла торган табигать территорияләренең режимына һәм саклау зоналарына, җир участокларыннан, су объектларыннан, табигый ресурслардан һәм махсус сакланыла торган табигать территорияләре чикләрендә урнашкан бүтән күчемсез милек объектларыннан файдалануның махсус хокукый режимына кагылышлы сораулар исемлеге бар.