"Агидель дельтасы" дәүләт табигать тыюлыгы территориясендә браконьерлыкка каршы көрәш буенча рейд узды
Татарстан Республикасы Биоресурслар буенча дәүләт комитеты хезмәткәрләре, Россия балыкчылыгы хезмәткәрләре, штаттан тыш һәм производство инспекторлары белән берлектә, "Агидель дельтасы" дәүләт табигый тыюлыгы территориясендә уртак рейд оештырдылар.
Күзәтчелек чаралары барышында, балыкчылыкны регламентлый торган кагыйдәләрне бозган өчен, РФ Административ хокук бозулар кодексының 8.37 статьясы буенча административ беркетмә төзелде.
Исегезгә төшерәбез, әлеге хокук бозу өчен гражданнарга - көймәне һәм башка су биологик ресурсларын тоту коралларын тартып алу белән яки аннан башка, ике меңнән биш мең сумга кадәр штраф; вазыйфаи затларга - көймәне һәм башка су биологик ресурсларын тоту коралларын тартып алу белән яки аннан башка, егерме меңнән утыз меңгә кадәр штраф яки юридик затларга- көймәне һәм башка су биологик ресурсларын тоту коралларын тартып алу белән яки аннан башка, йөз меңнән ике йөз меңгә кадәр штраф салына.