Татарстан Республикасы Биоресурслар буенча дәүләт комитетында коррупция буенча ышаныч телефоны эшли башлады
Коррупция- хезмәт урыныннан законсыз файдалану, ришвәт бирү, ришвәт алу, вәкаләтләрдән законсыз файдалану яисә үзе яки өченче зат өчен акча, кыйммәтле әйберләр, башка төрдәге милектән файда алу максатларында, җәмгыять һәм дәүләтнең законлы мәнфәгатьләренә каршы килеп физик затның үзенең урындагы хәленнән законсыз файдалану.
Әгәр сез югарыда санап үтелгән очраклар белән очрашсагыз, телдән яки язма гариза белән якын арада полиция бүлегенә мөрәҗәгать итәргә кирәк. Прокуратурага гариза бирергә була.
Дәүләт һәм муниципаль хезмәткәрләр өчен коррупция турында хәбәр итү турыдан – туры бурычы булуын, ә аны үтәмәү – хокук бозу икәнлеген истә тоту мөһим.
ТР Биоресурслар буенча дәүләт комитеты 8(843)211-73-81 ышаныч телефоны эше турында искә төшерә, анда Сез коррупция юнәлешендәге фактлар турында мәгълүмат калдыра аласыз.
Алар турында хәбәр иткәндә өстәмә элемтә каналлары аша бирелгән мәгълүматларның конфиденциальлеге гарантияләнә. Шуны да билгеләп үтәргә кирәк, тулы җавапны үз вакытында әзерләү максатыннан хәбәрдә исем-фамилия, адрес (почта/электрон), элемтә өчен телефон һәм мөрәҗәгатьнең асылын күрсәтергә киңәш ителә.
Ышаныч телефоны буенча гражданнарны кабул итү эш көннәрендә башкарыла:
дүшәмбе-пәнҗешәмбе: 9.00 сәгатьтән 18.00 сәгатькә кадәр
җомга 9.00 сәгатьтән 16.45 сәгатькә кадәр
тәнәфес 13.00-13.45.