Татарстан Республикасы Биоресурслар буенча дәүләт комитетының хезмәткәрләре Казан (Идел буе) федераль университеты студентлары белән һөнәри юнәлеш буенча очрашу уздырдылар
Казан (Идел буе) Федераль Университетында Идарә, икътисад һәм финанслар институты һәм Экология һәм табигатьтән файдалану институты студентлары белән һөнәри юнәлеш буенча очрашу узды. Чарада Татарстан Республикасы Биоресурслар буенча дәүләт комитетының Хайваннар һәм үсемлекләр дөньясын саклау идарәсе башлыгы Ринат Чиспияков һәм Татарстан Республикасы Биоресурслар буенча дәүләт комитетының биотөрлелек бүлеге башлыгы Роза Әхмәтсафина катнашты.
«Хәерле көн, коллегалар», - дип мөрәҗәгать итте студентларга Ринат Чиспияков, бирегә җыелган студентлар - үз тормышын табигатьне һәм биотөрлелекне саклап калу белән бәйләргә теләгән кешеләр икәнлегенә игътибар юнәлтеп. Бүгенге көндә тармак профессионалларга һәм квалификацияле кадрларга мохтаҗ», - дип өстәде ул.
Аннары ул комитетның эшчәнлеге һәм вакансияләр турында җентекләп сөйләде.
«Дәүләт комитеты инспекторы үзләренең эшләрендә көн саен аучылык , браконьерлык һ.б. өлкәләрдә хокук бозулар белән очрашалар. Безнең бурыч: әлеге проблемаларны әйләнә-тирә мохит файдасына хәл итүС, - диде ул.
Ә Роза Әхмәтсафина республиканың махсус саклана торган табигать территорияләре темасына кагылып китте.
Чара азагында студентлар актив рәвештә сораулар бирделәр, аларга ачык җаваплар алдылар һәм ведомство эше белән кызыксындылар.