«Өйгә охшаган җимлек»: Түбән Кама районы мәктәп укучылары тиеннәрне ашаттылар
Кышын шәһәрлеләр актив рәвештә шәһәр паркларында һәм урманнарда яшәүче кошлар өчен җимлекләр эләләр. Ә Красный Ключ мәктәбе укучылары Балалар экология-биология үзәге укытучысы һәм ТР Биоресурслар буенча дәүләт комитетының Түбән Кама районы буенча районара бүлеге башлыгы Эдуард Иванов белән бергә тиеннәрне дә сыйлыйлар. Районда хайваннарның саны шунлыктан елдан-ел арта бара.
«Корткыч бөҗәкләргә каршы көрәштә иң яхшы ярдәмчеләр – кошлар. Алар безнең паркларны, бакчаларны һәм урманнарны мамыклы каурыйлылар өчен саклыйлар. Шуңа күрә алар өчен уңайлы яшәү шартлары булдыру мөһим»,– ди Эдуард Иванов.
Уртак тырышлык белән алар кошлар һәм тиеннәр өчен 16 җимлек урнаштырдылар.
«Оялар бик зур һәм уңайлы булып чыкты. Тиеннәргә монда кереп йөрергә уңайлы булачак. Без алар өчен кечкенә генә «күчтәнәч» калдырдык – Себер нараты күркәләре. Бу аларның яраткан ризыклары», – диләр укучылар.
Тиеннәрне кыздырылмаган орлыклар, чикләвекләр (әстерхан, кедр, фундук), кипкән җиләк-җимеш, яңа җиләк-җимеш һәм яшелчәләр, тозсыз сало белән сыйларга, җимлекләренә бал сылаган печенье яки аз гына майлы ит фаршы һәм эремчек салырга була.