Хайваннар дөньясын саклау өлкәсендә инновацион технологияләр кертү үзәге хезмәткәрләре Теләче районы укучыларына районның тыюлыгы табигате турында сөйләделәр
Татарстан Республикасы Биоресурслар буенча дәүләт комитеты халыкның экологик культурасын һәм грамоталылыгын күтәрү буенча актив эш алып бара. Әлеге эш кысаларында белгечләр тарафыннан балалар бакчаларында тәрбияләнүчеләр һәм мәктәп укучылары арасында чаралар оештырыла.
Шуларның берсен Теләче районының Шәтке урта гомуми белем бирү мәктәбе укучылары өчен «Мишә» дәүләт табигый зоология (аучылык) тыюлыгы белгече Виталий Кутузов үткәрде. Заманча интерактив формада ул балаларга тыюлык хезмәткәрләренең эшчәнлекләре турында сөйләде, шулай ук район урманнарында яши торган хайваннарның күп төрлелеге белән таныштырды.
«Әлеге тема балаларны бик кызыксындырды. Алар безнең хезмәтебез турында сораулар бирделәр, үзләренең хайваннар белән очрашулары тарихын сөйләделәр. Мондый агарту чаралары үсеп килүче буынны тәрбияләүдә бик мөһим», – ди Виталий Кутузов.
Дәрес бик эчтәлекле булды, балалар үзләрен кызыксындырган сорауларга җаваплар алдылар һәм тыюлык хезмәткәрләренә эшләрендә уңышлар теләделәр.