Яшел эз: Чистай районы гаиләләре экокультура белемнәрен сынаштылар
«Чиста болыннар» заказнигы хезмәткәрләре Россия балалар һәм яшьләр хәрәкәтенең «Беренчеләр хәрәкәте» җирле бүлеге һәм районның Ата-аналар советы белән берлектә Гаилә елы кысаларында Балалар һәм яшьләр иҗат сараенда «Яшел эз» экологик квестын оештырдылар.
Катнашучы гаиләләр 8 төрле локация үттеләр, анда кул астындагы материаллардан эшләнмәләр ясау буенча мастер-класста катнаштылар, шулай ук районның хайваннар һәм үсемлекләр дөньясы турында белемнәре белән уртаклаштылар, викториналарда, батлларда катнаштылар, ребуслар чиштеләр һәм табышмакларга җаваплар таптылар.
«Экологик культура һәм табигатьне бәһали белү мөнәсәбәте, беренче чиратта, гаилә даирәсендә формалаша, шуңа күрә экологик агартуның гаилә формаларын үстерү көнүзәк заманча бурыч булып тора", – ди заказник башлыгы Максим Улыбин.
Квест нәтиҗәләре буенча һәр гаилә үз номинациясендә җиңде. Оештыручылар һәркемгә дипломнар һәм истәлекле бүләкләр тапшырды.