Җылы яклардан әйләнеп кайталар: Татарстанга казлар һәм челәннәр кайта башлады

2024 елның 25 марты, дүшәмбе

Ел саен март ахырында казлар һәм челәннәр кайта башлый. Әлеге искиткеч матур кошларны Чүпрәле районында күргәннәр.

Кышкы салкыннарны үткәреп кайтучы кошлар хәзер, азык эзләп, басуларда тукталалар, чөнки озын-озак очышлар зур энергия запасы таләп итә.

Әгәр дә сез челәнне күрсәгез, аларны ерактан күзәтү яхшырак, чөнки бу кошлар камера алдында кәефсезләнергә яраталар. Еш кына, кешене күрүгә, бөтен көтүләре белән шунда ук күккә күтәреләләр, якын арадан яхшы фото төшерергә мөмкинлек булмый. Әмма һавада бу кошлар, гадәттә, озак булмыйлар, бераз әйләнгәләп алгач, алар очып киткән урыннарына кире кайталар.