ТР Биоресурслар буенча дәүләт комитеты сөркә-байбак аулауның алда торган сезоны турында хәбәр итә
5 июньнән гомуми кулланышта булган аучылык биләмәләрендә сөркә-байбак аулауга рөхсәт алу өчен гаризалар кабул ителә башлый.
Рөхсәт алу өчен, ау күздә тотылган район булу-булмауга карамастан, республика территориясендә күп функцияле үзәкнең теләсә кайсы филиалына мөрәҗәгать итәргә мөмкин.
Рөхсәт бирү түбәндәге документлар нигезендә башкарылачак:
- рөхсәт алу өчен гариза;
- шәхесне раслый торган документ (паспортның төп нөсхәсе);
- аучылык билеты (төп нөсхә);
- рөхсәт биргән өчен дәүләт пошлинасын түләү турында квитанция (650 сум);
- хайваннар дөньясы объектларыннан файдаланган өчен җыем түләү турында квитанция (60 сум).
Гариза бирүче вәкиле тарафыннан түбәндәге документлар булганда рөхсәт алырга мөмкин:
- гади язма формада ышаныч кәгазе (төп нөсхә);
- рөхсәт алу өчен гариза;
- ышанычлы затның шәхесен таныклый торган документ (паспортның төп нөсхәсе);
- ышаныч язуы бирүченең шәхесен таныклый торган документ (паспорт күчермәсе);
- ышаныч белдерүченең ау билеты (күчермәсе);
- рөхсәт биргән өчен дәүләт пошлинасын түләү турында квитанция (650 сум);
- хайваннар дөньясы объектларыннан файдаланган өчен җыем түләү турында квитанция (60 сум).
Банк картасы булганда, түләүне КФҮ филиалында гариза биреп башкарырга мөмкин. КФҮ филиалларында түләүне башкару булган рөхсәтләр нигезендә киңәш ителә.
Сөркә-байбак аулау сезоны 15 июньнән башланып, 30 сентябрьгә кадәр дәвам итәчәк.
Гомуми кулланышта булган аучылык биләмәләре буенча сөркә аулауның рөхсәт ителгән нормалары:
Баулы районы ООУ – 80 баш;
Лениногорск районы ООУ – 160 баш;
Ютазы районы ООУ – 40 баш;
Бер рөхсәт бер генә баш сөркәгә бирелә.