Республикада киек кошлар аулауга гаризалар кабул ителә башлый
Бүген гомуми кулланылыштагы аучылык биләмәләрендә кош аулауга рөхсәт алу өчен гаризалар кабул итү башланды.
Рөхсәт алу өчен, ау күздә тотылган район булу-булмауга карамастан, республика территориясендә күп функцияле үзәкнең теләсә кайсы филиалына мөрәҗәгать итәргә мөмкин.
ИГЪТИБАР: гаризалар кабул итү бер үк вакытта, канатлыларга ауның төренә һәм аулау вакытына карамастан башланачак (шул исәптән, ау этләре һәм ау кошлары белән ҺӘМ АЛАРДАН БАШКА).
Рөхсәт бирү түбәндәге документлар нигезендә башкарылачак:
- рөхсәт алу өчен гариза;
- шәхесне раслый торган документ (паспортның төп нөсхәсе);
- аучылык билеты (төп нөсхә);
- рөхсәт биргән өчен дәүләт пошлинасын түләү турында квитанция (650 сум);
- *хайваннар дөньясы объектларыннан файдаланган өчен җыем түләү турында квитанция (суер һәм көртлек аулауга рөхсәт алган очракта).
Гариза бирүче вәкиле тарафыннан, түбәндәге документлар булганда, рөхсәт алырга мөмкин:
- гади язма формада ышанычнамә (гариза бирүченең һәм ышанычлы затның паспорт мәгълүматларын (сериясе, номеры, кем тарафыннан һәм кайчан бирелгән, яшәү урынын теркәү), кылган гамәлләрне күрсәтү);
- рөхсәт алу өчен гариза;
- ышанычлы затның шәхесен таныклый торган документ (паспортның төп нөсхәсе);
- ышаныч язуы бирүченең шәхесен таныклый торган документ (паспорт күчермәсе);
- ышаныч язуы бирүченең аучылык билеты (төп нөсхә яки күчермәсе);
- рөхсәт биргән өчен дәүләт пошлинасын түләү турында квитанция (650 сум);
- *хайваннар дөньясы объектларыннан файдаланган өчен җыем түләү турында квитанция (суер һәм көртлек аулауга рөхсәт алган очракта).
Хайваннар дөньясы объектларыннан файдалану өчен җыем ставкасы (бер баш өчен):
суер – 100 сум;
көртлек – 20 сум;
ИГЪТИБАР: КФҮ ОПЕРАТОРЫ АША ГАРИЗА БИРГӘНДӘ, ТҮЛӘҮЛӘРНЕ БАНК КАРТАСЫННАН ФАЙДАЛАНЫП, БУЛГАН РӨХСӘТ ФАКТЫ БУЕНЧА БАШКАРЫРГА КИҢӘШ ИТЕЛӘ.