«Чулпан» дәүләт табигать заказнигына Анатолий Павлович Пухачев исеме бирелде
Төбәк әһәмиятендәге «Чулпан» дәүләт табигать заказнигына ТАССРның атказанган агрономы һәм әлеге заказникның беренче җитәкчесе Анатолий Павлович Пухачев исеме бирелде. Татарстан Республикасы Премьер-министрының тиешле Карары Татарстан Республикасы хокукый мәгълүматның рәсми порталында басылып чыкты.
Исегезгә төшерәбез: 1999 – 2007 елларда ул «Чулпан» заказнигы администрациясе башлыгы булып эшләде. Ул 6 мең гектар мәйданда игенчелекнең адаптив-ландшафт системасының уникаль моделен эшләде һәм гамәлгә кертте. Әлеге эш Татарстан Республикасының Фән һәм техника өлкәсендәге дәүләт премиясенә лаек булды. Аның эшләнмәләре нәтиҗәләре 120 фәнни басмада чагылдырылган, аның җитәкчелегендә 6 фән кандидаты әзерләнгән, тикшеренүләрнең яңалыгы Россия Федерациясенең 10 патенты белән якланган.