«Чиста болыннар» тыюлыгы хезмәткәрләре «Мәктәпкә җыенырга ярдәм ит» акциясе кысаларында сәламәтлек мөмкинлекләре чикле балаларга мәктәп кирәк-яраклары тапшырды
Белем көне алдыннан «Чиста болыннар» тыюлыгы хезмәткәрләре сәламәтлек мөмкинлекләре чикләнгән балалар һәм аларның ата-аналары белән аралаштылар һәм аларга «Мәктәпкә җыенырга ярдәм ит» акциясе кысаларында портфельләр тапшырдылар. Рюкзакларда балаларга мәктәп кирәк-яраклары да салынган иде.
"Безнең балаларга кайгырту бик мөһим һәм һәр игътибар кадерле. Аларның йөзләрендә елмаю чагылсын, ә күзләре бәхет белән тулсын өчен күп кирәкми», – диләр укучыларның ата-аналары.
Исегезгә төшерәбез: «Мәктәпкә җыенырга ярдәм ит» республика хәйрия акциясе Татарстанда 2007 елдан хәйрия эшчәнлеге мәсьәләләре буенча республика советы, «Бердәм Россия» партиясе инициативасы һәм Татарстан Республикасы Рәисе Рөстәм Миңнеханов ярдәме белән үткәрелә. Ул аз керемле һәм күп балалы гаиләләрдәге балаларга, махсус хәрби операциядә катнашучыларның балаларына, тәрбиягә алган балаларга һәм инвалид балаларга адреслы социаль ярдәм күрсәтүгә юнәлдерелгән.