ТР Биоресурслар буенча дәүләт комитеты рәисе районның хезмәт коллективлары белән очрашты
Бүген Чистай районына эш сәфәре вакытында ТР Биоресурслар буенча дәүләт комитеты рәисе Федор Батков районның хезмәт коллективлары белән очрашты. Очрашуда районның социаль-икътисади үсеше нәтиҗәләре һәм Татарстан Республикасы Дәүләт Советына депутатлар сайлаулар турында фикер алыштылар.
Чыгышында Федор Батков билгеләп үткәнчә, дәүләт ярдәме чараларын, милли проектларны һәм республика программаларын гамәлгә ашыру Татарстан халкының тормыш сыйфатын яхшырта, ә алдагы сайлаулар республика өчен мөһим иҗтимагый-сәяси әһәмияткә ия, чөнки алар Татарстанның киләсе биш елга үсеш юлларын билгеләячәк.
Мондый очрашулар үткәрү һәм оештыру аеруча кискен проблемаларны ачыклауга гына түгел, ә җирле халыкның үзенчәлеген һәм ихтыяҗларын исәпкә алып, аларны хәл итүнең нәтиҗәле механизмнарын эшләүгә дә ярдәм итә.