Күп балалы аккошлар гаиләсе тормышыннан: үсеп-җитлегеп килүче 8 ысылдавык аккош Мөслим районы табигатен өйрәнә

2024 елның 11 сентябре, чәршәмбе

Мөслим районындагы буада туган сигез аккошка өч ай тулды.  Кошчыклар инде сизелерлек үскәннәр, шактый кыюланганнар, яр буендагы суда тыныч кына коеналар һәм актив рәвештә якындагы территорияне өйрәнәләр. Шул ук вакытта әткә-әнкә кошлар аларны күзәтүдән туктамый.

Шунысын да билгеләп үтәргә кирәк, аккошлар бары тик икенче яшендә генә тулысынча мөстәкыйль булачаклар. Хәзер кошчыклар сай җирләрдә һәм яр буенда тукланалар. Бәбкә кошлар суүсемнәргә, маймычларга һәм бөҗәк личинкаларына өстенлек бирәләр.