Казанның 3 районында елга балыкларын рөхсәтсез сату урыннары ачыкланды
Бүген ТР Биоресурслар буенча дәүләт комитеты хезмәткәрләре Казан шәһәренең кулланучылар базары комитеты, Вахитов һәм Идел буе, шулай ук Киров-Мәскәү районнары администрацияләре һәм Россельхознадзорның Татарстан Республикасы буенча идарәсе инспекторлары белән берлектә елга балыкларын урамда сату итү урыннары буйлап рейд чаралары уздырдылар. Рейдлар барышында Казанның 3 районында елга балыгын сату фактлары теркәлгән.
.jpeg)
«Урам сәүдәсен оештыру тәртибен бозу» ТР Административ хокук бозулар кодексының 3.2 статьясының 2 өлеше буенча хокук бозучыларга административ хокук бозу турында беркетмә төзелде һәм РФ Административ хокук бозулар кодексының 10.8 статьясының 1 өлеше буенча мәҗбүри ветеринария-санитария таләпләрен бозуга юл куймау турында кисәтү чыгарылды. Административ йогынты чаралары белән беррәттән, хезмәткәрләр гражданнар белән законсыз тотылган балыкларны сатуны булдырмау турында аңлату эшләре алып бардылар.