Республика территориясендә үсемлекләрнең, гөмбәләрнең һәм хайваннарның сирәк төрләре күзәтелде

Идел-Россиянең генә түгел, бөтен дөньяның иң зур елгаларының берсе. Аның озынлыгы 3,5 мең километрдан артып китә, ә бассейн мәйданы ил территориясенең 8 % ын тәшкил итә. Ул борын-борыннан шәһәрләрне туендыра, су белән тәэмин итә һәм бәйли. Идел көнен бәйрәм итү кысаларында Төбәк әһәмиятендәге табигать тыюлыкларының 11 администрациясе хезмәткәрләре балалар бакчаларында һәм мәктәпләрдә тәрбияләнүчеләр өчен танып-белү лекцияләре үткәрделәр. Балалар Идел-ана турында иҗади номерлар әзерләделәр, шулай ук аның турында кызыклы фактлар һәм кешенең дөрес булмаган гамәлләренең теләсә кайсы су объектына һәм анда яшәүчеләргә ничек йогынты ясавы, киләчәк буыннарга аларны саклап калу өчен нәрсә эшләп булуы турында белделәр. Чаралар Россиянең кече елгалары исемнәре төшерелгән зәңгәр тасмалардан флешмоб белән тәмамланды.

Бүген Татарстан Республикасы Дәүләт Советы Рәисе Фәрит Мөхәммәтшин Россия Федерациясе дәүләт учреждениеләре һәм җәмәгать хезмәте күрсәтү хезмәткәрләренең гомумроссия һөнәр берлегенең Татарстан республикасы оешмасының XXXII хисап-сайлау конференциясе кысаларында ТР Биоресурслар буенча дәүләт комитеты коллективын Татарстан Республикасының хайваннар һәм үсемлекләр дөньясын саклау өлкәсендә дәүләт сәясәтен үстерүгә керткән зур өлеше өчен Татарстан Республикасы Дәүләт Советы Рәисенең Рәхмәт хаты белән бүләкләде. Бүләкне Фәрит Мөхәммәтшин кулыннан ведомствоның беренчел һөнәр берлеге оешмасы рәисе Оксана Филиппова алды.

ТР Биоресурслар буенча дәүләт комитеты хезмәткәрләре мәктәп укучылары белән берлектә «Балык – булсын» («Рыбе – быть») акциясе кысаларында Чистай районының Прость елгасында һәм Түбән Кама районының Каракүл күлендә 800 м уылдык чәчү урыннары урнаштырдылар.

ТР Биоресурслар буенча дәүләт комитеты хезмәткәрләре полиция хезмәткәрләре белән берлектә Спас районында Идел елгасындагы Куйбышев сусаклагычы территориясендә «Уылдык чәчү» операциясе кысаларында Болгар шәһәренең ике гражданын тоткарлаган, алар законсыз рәвештә 2740 кысла тоткан. Алардан «Казанка 5м» моторлы көймәсе һәм «Сузуки 15» көймә моторы тартып алынган.