Куйбышев сусаклагычы сагында: ТР Биоресурслар буенча дәүләт комитеты хезмәткәрләре һәм Россия гадәттән тыш хәлләр министрлыгының ГИМС инспекторлары уртак рейд үткәрделәр

2026 елның 21 сентябре, дүшәмбе

Татарстан Республикасы Биоресурслар буенча дәүләт комитеты хезмәткәрләре һәм Россия гадәттән тыш хәлләр министрлыгының Татарстан Республикасы буенча ГИМС Үзәге инспекторлары Куйбышев сусаклагычы акваториясендә уртак рейд үткәрделәр. Ул махсус сакланучы табигать территорияләре режимын һәм балыкчылык кагыйдәләрен үтәүне тикшерүгә юнәлдерелгән иде.

Рейд барышында алар акватория һәм яр буйларын карадылар, балыкчыларның документларын тикшерделәр, һәвәскәр балыкчылар һәм туристлар белән аңлату әңгәмәләре үткәрделәр, суда һәм МСТТ чикләрендә үз-үзеңне куркынычсыз тоту кагыйдәләрен искә төшерделәр. Рейд чаралары даими рәвештә үткәрелә. Бу юнәлештә планлы эш дәвам итәчәк.