ЯҢАЛЫКЛАР

Cу йөзүче,сазлык – болын һәм кыр киек кошларына ау чоры тәмамлану  белән бәйле рәвештә, Татарстан  республикасының хайваннар дөньясы  объектларын саклау һәм файдалану Идарәсе исегезгә төшерә:  рөхсәтнамәләрне тапшыру вакыты 2016 елның 5 декабрь көнендә тәмамлана.

Рөхсәтнамәләрне тапшырганда, табылган кошларның төрен һәм санын  күрсәтеп, “Табылган аучылык байлыклары һәм аларның саны турында мәгълүмат” таблицасын тутырырга кирәк. Бирелгән таблицада  тотылган кошларның нинди төргә каравын (кыр үрдәге, чүрәкәй, бүрекле үрдәк  һ.б.) тәфтишләп язуыгызны үтенәбез.

Рөхсәтнамәләрне тапшырмау очрагында, штраф салу рәвешендә  административ җаваплылык каралган.

Татарстан республикасының хайваннар дөньясы  объектларын саклау һәм файдалану Идарәсе исегезгә төшерә: 2016 елның 3 сентябрь көненнән, Идарә  ачык аучылык җир-суларында кыйммәтле мехлы  төрләрне тотуга рөхсәтнамәләр бирә башлады.

 2016 елда Татарстан Республикасының аучылык биләмәләрендә аучылык байлыкларын тоту өчен бирелә торган рөхсәтнамәләр бирү пунктлары

 Татарстан Республикасының муниципаль районнарындагы  Хайваннар дөньясы объектларын һәм аларның яшәү тирәлекләрен файдалануны һәм саклауны контрольдә тоту буенча район (районара) бүлек башлыклары һәм файдалануны һәм саклауны контрольдә тоту буенча район (районара) бүлегенең өлкән белгечләре белән рөхсәтнамәләрне бирү графигы.

Татарстан Республикасының ачык аучылык җир-суларының үткәрү сәләтеннән чыгып,  бирелергә планнаштырылган рөхсәтнамәләр саны.

Хөрмәтле аучылар, 09.01.2014 елдан № 4 “Сәнәгый аучылык инспекторы кандидатына куела торган таләпләрне  белүне тикшерүне уздыру Тәртибен раслау турында”гы  РФ Экология һәм табигый байлыклар министрлыгының  Боерыгы белән тәңгәл килеп, сәнәгый аучылык инспекторы вазифасына кандидатлар исемлеген формалаштыру турында сезгә хәбәр итәбез. Белемнәрне тикшерү  2016 елның 15 декабрь көнендә Татарстан Республикасының хайваннар дөньясы объектларын саклау һəм файдалану идарәсе бинасында узачак.

 Документларны бирү һәм кабул итү тәртибе өстә күрсәтелгән боерыкның 15 һәм 16 пунктлары белән туры килеп үтәлә. Документларны кабул итү вакыты: -2016 елның 13 октябреннән  башлана; -2016 елның  8  декабрендә тәмамлана. Барлык документлар да Идарәгә турыдан- туры юридик затның вәкаләтле вәкиле белән, шәхси эшмәкәр яки аның вәкиле белән, яки салынган документларның исемлеген язып почта аша 420088, Казан, Кәрим Тинчурин ур., 29 адресына юнәлтү юлы белән тапшырылырга тиеш. Мәгълүматларның яңаруын Идарәнең сайтында “Дәүләт тикшерүе (күзәтүе)” бүлегендә “Сәнәгый аучылык тикшерүе” өстәмә битендә карагыз.

Татарстан республикасының хайваннар дөньясы  объектларын саклау һәм файдалану Идарәсе хәбәр итә: бүген иртә белән Минзәлә районында Ык елгасында, боз астына төшеп киткән һәм үзе генә чыга алмый торган поши табылды. Шул урынга килгән Идарә хезмәткәрләре һәм пошига булышырга теләүчеләр, хайванга судан чыгарга булыштылар һәм аны кире урманга кайтардылар.

Бердәм  федераль үрнәктәге аучылык билетын алуга ( гамәлдән чыгаруга) гаризаны бирер өчен, https://gosuslugi.ru адресы буенча, Бердәм дәүләт һәм муниципаль хезмәтләр порталында теркәлергә кирәк.

Теркәлүне сез санактан( ноутбуктан, планшеттан һ.б.) узарга мөмкин, шулай ук Хезмәт күрсәтү үзәгендә. Анда теркәлүдән башка, Рәсмиләштерелгән теркәлү язуы( яки дәлилләнгән шәхси мәгълүмат) булдырылачак. Хезмәт күрсәтү үзәгенә мөрәҗәгать иткән очракта, үзегез белән паспорт һәм СНИЛС  булырга тиеш. Хезмәт күрсәтү үзәкләренең адреслары түбәндә күрсәтелгән***.

 Рәсмиләштерелгән теркәлү язуын булдырганнан соң, аучылык билетын бирүгә гаризаны  сез үзегезнең шәхси санактан (ноутбуктан, планшеттан һ.б.) бирә аласыз. Аның өчен аучылык билетын бирүгә гаризаның электрон вариантын тутырырга һәм дәүләт хезмәте нәтиҗәсен  алу өчен уңайлы вакытны һәм урынны күрсәтергә кирәк. Яки гаризаны электрон рәвештә бирер өчен, сез Кәрим Тинчурин урамы 29 йорт адресы буенча урнашкан  Татарстан республикасының хайваннар дөньясы  объектларын саклау һәм файдалану Идарәсенә ярдәм артыннан мөрәҗәгать итә аласыз.

Аучылык билеты Казан шәһәре, Кәрим Тинчурин урамы 29 йорт 216 кабинет адресы буенча,Татарстан Республикасының теләсә кайсы районында, дәүләт хезмәтләре Порталында күрсәтелгән адреслар буенча, Идарәнең районара (район) бүлекләрендә яки  бирелә.

Тапшырыла торган документлар – паспорт, паспортның күчермәсе һәм бит туры төшерелгән, баш киемсез, 30 х 40 мм зурлыктагы аклы-каралы яки төсле ике фотография.

Аучылык билеты, Бердәм хезмәтләр порталы аша бирелгән гаризаны теркәгәннән соң, 5 эш көне эчендә бирелә.

 ***  РФ Бердәм дәүләт һәм муниципаль хезмәтләр порталында теркәлү өчен һәм  теркәлү язуын дәлилләү өчен Хезмәт күрсәтү үзәкләренең адреслары:

1. шәһәре:

- Кремлевский ур., 8 йорт;

- Таҗи Гыйззәт ур. , 3а йорт;

- Карл Маркс ур., 44 йорт;

- Пушкин ур., 20 йорт;

- Пушкин ур., 9/51 йорт;

- Пушкин ур., 8 йорт;

- Париж Коммунасы ур., 6 йорт;

- Шоссейный ур.,22а йорт;

- Татарстан ур., 52 йорт;

- Черноморский ур., 3 йорт;

- Чистай ур., 11 йорт;

- Чистай ур., 61а йорт;

- Декабристлар ур., 102 йорт;

-  Декабристлар ур., 191 йорт;

- Ямашев проспекты, 79 йорт;

-  Ямашев проспекты, 82 йорт;

- Блюхер ур., 81а йорт;

- Мусин ур., 68 йорт;

- Гагарин ур., 103 йорт.

 Яр Чаллы шәһәре:

- Рәис Беляев  проспекты, 13 йорт;

- Тынычлык проспекты, 24е йорт;

- Хәсән Туфан проспекты, 12 йорт;

- Чулман ур.,36 йорт;

- Шамиль Усманов ур.,80 йорт;

- Яр Чаллы проспекты,47 йорт;

- Сарман юлы, 52 йорт;

-  Гидротөзүчеләр ур., 10 йорт;

- Гидротөзүчеләр ур., 1 йорт;

- Гидротөзүчеләр ур., 15 йорт. 

Татарстан Ресспубликасының районнары буенча калган адресларны сез сайтта таба аласыз.www.gosuslugi.ru/help/address

Татарстан республикасының хайваннар дөньясы  объектларын саклау һәм файдалану Идарәсе хәбәр итә: Татарстан Республикасының Лаеш районынннан көрән аю белән очрашу очраклары турыда хәбәрләр килә.

Бу төр аюлардан мөһим куркыныч янауны истә тотып, саклык чараларын тотуыгызны сорыйбыз.

Татарстан  республикасының хайваннар дөньясы  объектларын саклау һәм файдалану Идарәсе хәбәр итә: 2016 елның 15 ноябрь көнендә  су йөзүче,сазлык – болын һәм кыр киек кошларына ау чоры тәмамлана.

Гамәлдәге кануннар буенча, кошны тотканнан сож яки ау чоры тәмамланганнан соң 20 көн эчендә, “Табылган аучылык байлыклары һәм аларның саны турында мәгълүмат” таблицасын тутырып, рөхсәтнамәне алган җиргә тапшырырга кирәк.

Мәгълүматларны тапшырмаган очракта административ җаваплылык каралган.

Идарә таблицада тутырылмаган баганалар калдырмауны һәм тоткан кошның төрен дөрес билгеләүне сорый.

шуның белән бәйле рәвештә  күмәк ауның төп кагыйдәләрен исегезгә төшерәбез.

Күмәк ауны  тормышка ашыру өчен җаваплы зат, киләсе гамәлләрне үтәргә тиеш:

• аучылык байлыкларын табуга рөхсәтнамәнең һәм (яки) юлнамәнең дөрес тутырылуын тикшерә;
• аулар алдыннан бөтен катнашучыларның аучылык билетларын һәм ау коралларын йөртүгә һәм саклауга рөхсәтнамәләрен тикшерергә һәм ул документлары булмаган затларны ауга кертми;
• күмәк ауда катнашучылар исемлеген төзи ( алга таба – аучылар исемлеге). Исемлектә киләсе мәгълүматлар булырга тиеш:

1. аулау урыны һәм вакыты
2. күмәк ауны уздыру өчен җаваплы затның исеме һәмфамилиясе,
3. аучылык байлыкларын табуга рөхсәтнамәнең (яки) юлнамәнең номеры (аучылык хуҗалыгы өлкәсендә хезмәт күрсәтүгә килешүнамә төзүне раслый торган документ), таба торган ау хайваннарының төре һәм саны,
4. күмәк ауда катнашкан аучыларның  фамилияләре һәм инициаллары.

• күмәк  ауда катнашучыларбелән, күмәк ау уздырганда хәвефсезлек чаралары буенча, ау хайваннарын  аулау тәртибе буенча, инструктаж үткәрергә, аннан соң барлык аучылар исемлектә кул куялар ( ул исемлек хәвефсезлек чаралары буенча инструктаж бите булып тора);
• күмәк ауны  тормышка ашырганда аучыларның исемлеге үз янында йөртә;
• ау хайваны  аны куар алдыннан җәрәхәтләнгән булса, аны эзләре буенча куар алдыннан, рөхсәтнамәнең әйләнештәге ягында җәрәхәтләнү турында билге ясарга һәм яраланган хайванга   җыеп бетерүне оештыра.

Күмәк ау вакытында һәрбер аучының  үзе белән түбәндәге документлары булырга тиеш:

а) аучылык билеты;

б) аучылык ату коралы белән аулаган чакта, аучылык коралын саклауга һәм йөртүгә рөхсәтнамә;

в) беркетелгән аучылык җир – суларда аулаган чакта - юлнамә;

Ау хайванын тотканнан соң аны беренчел эшкәртү һәм (яки) ташу алдыннан, рөхсәтнамәнең әйләнештәге ягында   табыш турында туры килгән билге куела.

Ау табышын алып китү һәм аны урнаштыру, аучылык байлыгын табуга рөхсәтнамә булган очракта гына мөмкин була. Рөхсәтнамәдә хайванны табу турында билге куела яки ертып алына торган талон тутырыла.

Татарстан республикасының хайваннар дөньясы  объектларын саклау һәм файдалану Идарәсе хәбәр итә: 2016 елның 25 октябреннән алып 28 октябренә кадәр Арча муниципаль районы территориясендә, котыру авыруына каршы вакциналы алдавыч –брикетлар  тарату юлы белән, кыргый ерткыч хайваннарны вакцинацияләү уздырылды. Чара  ДБО “Арское РГВО” ветеринария белгечләре , аучылар һәм урман караучылар белән берлектә уздырылды. Барлыгы 12 000 доза  таратылды.

Хөрмәтле гражданнар! «Коррупциягә каршы тору» бүлегендә  сезгә Идарәдә коррупция чагылышлары турында сорау-анкеталаштыру  узарга тәкъдим итәбез.

Бу тикшеренү министрлыкның эшчәнле эффективлыгын күтәрергә,ә шулай ук министрлыкның вазыйфаи затлары арасында коррупция чагылышларын булдырмау максаты белән өлгер чаралар кабул итәргә булышачак.

Безгә сезнең шәхси фикерегезне белү мөһим!