ЯҢАЛЫКЛАР

Татарстан республикасының хайваннар дөньясы  объектларын саклау һәм файдалану Идарәсе хәбәр итә: 2017 елның 1 гыйнвар көненнән Татарстан Республикасы территориясендә аучылык хайваннарына кышкы маршрут хисабын уздыру башлана. Хисаплау 2017 елның 28 февраленә кадәр дәвам итәчәк. Хисаплау Россия Федерациясенең Экология һәм табигый байлыклар министрлыгы белән расланган методика буенча уздырылачак.

Республикада  хисапны уздыру өчен 1261 маршрут билгеләнде. Аларның гомуми озынлыгы 13 279 километр.

Хисаплау нәтиҗәләре буенча  республикада  2017-2018 ау чорында хайваннарны тоту лимитлары һәм нормалары расланачак, ә шулай ук, аларны ауларга чикләүләр кертергә кирәкле,  аучылык биләмәләре һәм хайваннар төре билгеләнәчәк.

Хисаплау эшендә катнашырга теләүчеләр Идарәгә мөрәҗәгать итә алалар.

2016 елның 1 декабрендә  рейдлар уздыру барышында  “Татарстан Республикасының Югары Ослан РООһәм Р” Иҗтимагый оешманың аучылык биләмәләре территориясендә Татарстан республикасының хайваннар дөньясы  объектларын саклау һәм файдалану Идарәсе хезмәткәрләре һәм урманчылар белән, кабанга элмәк( тимер тростан)  куйган вакытта, гражданин Н. тоткарланды.  Бу очрак  буенча  Идарә хезмәткәрләре белән  административ материаллар төзелде һәм судка юнәлтелде.

Татарстан республикасының хайваннар дөньясы  объектларын саклау һәм файдалану Идарәсе исегезгә төшерә: 2016 елның 3 сентябрь көненнән, Идарә  ачык аучылык җир-суларында кыйммәтле мехлы  төрләрне тотуга рөхсәтнамәләр бирә башлады.

 2016 елда Татарстан Республикасының аучылык биләмәләрендә аучылык байлыкларын тоту өчен бирелә торган рөхсәтнамәләр бирү пунктлары

Cу йөзүче,сазлык – болын һәм кыр киек кошларына ау чоры тәмамлану  белән бәйле рәвештә, Татарстан  республикасының хайваннар дөньясы  объектларын саклау һәм файдалану Идарәсе исегезгә төшерә:  рөхсәтнамәләрне тапшыру вакыты 2016 елның 5 декабрь көнендә тәмамлана.

Рөхсәтнамәләрне тапшырганда, табылган кошларның төрен һәм санын  күрсәтеп, “Табылган аучылык байлыклары һәм аларның саны турында мәгълүмат” таблицасын тутырырга кирәк. Бирелгән таблицада  тотылган кошларның нинди төргә каравын (кыр үрдәге, чүрәкәй, бүрекле үрдәк  һ.б.) тәфтишләп язуыгызны үтенәбез.

Рөхсәтнамәләрне тапшырмау очрагында, штраф салу рәвешендә  административ җаваплылык каралган.

29 ноябрь Халыкара табигатьне саклау җәмгыятеннең туган көне дип санала. Нәкъ шул көнне 1924 елда күренекле россия галимнәре, иҗтимагый һәм дәүләт хезмәткәрләре  инициативасы һәм катнашы ярдәмендә,иҗтимагый табигать саклау җәмгыятенең уставы расланды. Аны булдыру идеясын, әле 1924 елда РСФСРның белем бирү Наркоматының табигатьне саклау бүлеге яклап чыкты.

Халыкара табигатьне саклау җәмгыятен булдыру максаты – илнең гражданнар сугышы һәм  революциядән соңгы бөлгенлек белән  юкка чыгарылган табигый байлыкларын торгызу өчен, галимнәрне, алдынгы уйлы җәмгыятьне берләштерү һәм алга таба табигый байлыкларны рациональ куллану теләге. Җәмгыятьнең вакышлыча киңәшмә сайланган оештырма утырышы 1924 елның 3 декабрь көнендә узды. Оешманың беренче рәисе булып билгеле зоолог, профессор Григорий Кожевников сайланды.

Җәмгыятьне төп максатлары булып түбәндәгеләр аталды: табигый запасларны торгызу һәм саклауның фәнни яктан тикшерү, илнең халкын  табигатьне саклау чараларына җәлеп итү, табигатьне саклау идеяларын пропагандалау, аерып әйткәндә  лекцияләр, сөйләшүләр, диспутлар, күргәзмәләр һәм экскурсияләр уздыру. Бу юнәлешләр  киләсе елларда да оешманың  үсешен билгеләделәр.

Чыганак: http://www.calend.ru/event/6942/

Татарстан Республкиасы Министрлар Кабинетының  10.08.2012 елдан 676 номерлы  “Татарстан Республикасының  “Халык контроле” Дәүләт мәгълүмати системасын эшләтү чикләрендә, гражданнарның, дәүләт хакимиятенең башкарма әгъзалары һәм Татарстан Республикасының җирле үзидарә  әгъзаларының үзара электрон бәйләнеше ”турындагы боерыгының яңа басмасы чыгу белән бәйле рәвештә, категорияләр исемлеге кайбер үзгәрешләр кичерде.

3 яңа категория өстәлде:

1) “Биологик су байлыкларын хокуксыз тоту(табу)”- гражданнарны  браконьерлык  мәсьәләсе белән көрәшү максаты белән;

2) “ Су объектында киң таралган файдалы казылмаларны хокуксыз табу”- файдалы казылмаларны табу һәм баржаларга тутыру очраклары турында хәбәр итәргә мөмкинлек барлыкка килде;

3) “Парклар һәм скверлар” категориясе, Республикасы “Парклар һәм скверлар” программасына кертелгән  паркларның һәм скверларның хәле артыннан күзәтү өчен кертелә.

Татарстан Республикасы Мәгълүматлаштыру һәм элемтә министрлыгы

2016 елның 24 ноябрь көнендә  республиканың Лениногорск районының аучылык биләмәләре территориясендә, полиция хезмәткәрләре сәнәгый инспекторлар бердәм рейд чаралары уздыру  барышында, “Мазда” машинасында 4 гражданин тоткарланды. Алар хокуксыз ау белән шөгыльләнде, ә төгәлрәк әйткәндә  машина уты астында соры куяннарны аттылар.

Хокуксыз ау нәтиҗәсендә өч куян атылды. Бу очрак буенча Лентиногрск шәһәренең  полиция хезмәткәрләре белән тикшерү чаралары алып барыла, машина тоткарланды, кораллары тартып алынды.

Безнең сайтта “Аучылар өчен сораунамә” дигән бүлек барын исегезгә төшереп китәбез.

Сезнең (теләвегез буенча-аноним рәвештә) Татарстан Республикасы территориясендә хайваннар дөньясы объектларын саклау һәм куллану өлкәсендә булган мәсьәләләр турында фикерегез аларны чишәргә булышачак.

Үзегезнең тәкъдимнәрегезне һәм теләкләрегезне электрон адреска ojm@tatar.ru җибәрегез.

Татарстан республикасының хайваннар дөньясы  объектларын саклау һәм файдалану Идарәсе хәбәр итә: 2016 елның 1 ноябрь  көненә Идарә белән барлыгы 47 059 аучылык билеты бирелде.

Татарстан республикасының хайваннар дөньясы  объектларын саклау һәм файдалану Идарәсе хәбәр итә: бүген, 21 ноябрь көнендә, Идарә бинасында, Актаныш балык тоту бүлемтеген  сәнәгый балык тоту өчен куллануга бирү турында килешүнамә төзү хокукына бәйге уздыру Комиссиясенең беренче утырышы узды.

Утырыш уздыру чикләрендә, гаризалы конвертлар ачылды һәм гаризаларга рөхсәт хокукы ачылды. Бәйгедә катнашу өчен 2 гариза  тапшырылды.

Комиссиянең, гаризалар каралырга тиешле, икенче утырышы 2016 елның 19 декабрь көнендә узачак.