ЯҢАЛЫКЛАР
Татарстан Республикасының Биологик ресурслар буенча дәүләт комитетына эш башкаручы сәркатиб кирәк.
Тулы мәгълүмат артыннан (843) 2117381 телефоны буенча яки Oksana.Filippova@tatar.ru. электрон почта адресы буенча мөрәҗәгать итүегезне сорыйбыз.
Татарстан Республикасының Биологик ресурслар буенча дәүләт комитеты хәбәр иткәнчә, язгы ау чоры алдыннан, 2019 елның 18 һәм 19 апрель көннәрендә Татарстан Республикасының Кайбыч, Арча, Түбән Кама һәм Чистай муниципаль районнарында күчмә гавами чаралар уздырылды.
Анда язгы ау чорында ау һәм аучылык байлыкларын саклау өлкәсендә канун таләпләрен бозуга профилактика ясау сораулары каралды.
Исегезгә төшерәбез, 2019 елда каурыйлы киекләргә язгы ау 27 апрель көнне сәгать 00 башланачак һәм 6 май көнне 24.00 сәгатькә кадәр дәвам итәчәк.
Бүген, «Парклар маршы – 2019» Халыкара табигать саклау акциясе һәм экологик белем бирүкысаларында, «Чиста болыннар» дәүләт табигать тыюлыгы белгечләре 2 нче балалар бакчасында тәрбияләнүчеләр һәм 10 нчы Чистай мәктәбе укучылары өчен «Минем туган ягым» дип аталган дәресе үткәрделәр.
Белгечләр дәресне кызыклы форматта әзерләделәр, беренче өлешендә «Чиста болыннар» тыюлыгы, туган як табигате, ТР Кызыл китабына кертелгән һәм Чистай муниципаль районы территориясендә теркәлгән хайваннар һәм үсемлекләр төрләре, шулай укбашланган «Парклар маршы 2019»Халыкара табигатьне саклау акциясе турында сөйләделәр.
Икенче өлештә балалар һәм тыюлык хезмәткәрләре «Чиста болыннар» дәүләт табигать тыюлыгы һәм АМУ«Чистай мәдәни үзәге»оештырган Владимир Труновның туган як табигате турындагы картиналар күргәзмәсенә бардылар. Балалар бик җиңел танылаторган пейзажларны озак иттереп карап тордыларһәм дәрестә алган белемнәрен ныгыттылар. Күргәзмә 2019 елның 24 апреленә кадәр дәвам итәчәк, теләгән һәркем аны карый ала.
«Парклар маршы 2019» Халыкара табигатьне саклау акциясе һәм Татарстан Автономияле Совет Социалистик Республикасы оешуга 100 ел тулуны бәйрәм итү кысаларында «Чиста болыннар» дәүләт табигать тыюлыгы белгечләре һәм АМУ «Чистай мәдәни үзәге» администрациясе тарафыннан, “Диалог” сәламәтлекләре чикләнгән кешеләр өчен клуб оештыруда катнашучы, талантлы, яшь рәссам Владимир Николаевич Трунов картиналары күргәзмәсе оештырылды.
Күргәзмәне ачу тантанасы АМУ «Чистай мәдәни үзәге»ндә 2019 елның 17 апрелендә узды. Кунаклар игътибарына үзенчәлекле авторның 50 дән артык картинасы тәкъдим ителде. Татарстан Республикасының 100 еллыгы елында, туган як турында, үз шәһәрләре турында, Чистай табигатенең таныш почмаклары турындагы картиналар аеруча кызыксыну уяттылар. «Чиста болыннар» дәүләт табигать тыюлыгы белгечләре рәссамга мактау грамотасы һәм истәлекле бүләк тапшырдылар.
Күргәзмә 2019 елның 24 апреленә кадәр түбәндәге адрес буенча узачак: Чистай шәһәре, АМУ «Чистай мәдәни үзәге», Ленин урамы 17А, 1этаж. Керү ирекле.
17 апрельдә Татарстан Республикасы Министрлар Кабинетында, республика Премьер-министрының беренче урынбасары Р. К. Нигъмәтуллин рәисле астында, Татарстан Республикасында су биологик ресурсларын саклау мәсьәләләре буенча Республика советы утырышы узды. Анда ведомствоара эшче төркемнәрнең 2019 елның I кварталына эш йомгакларын ясадылар һәм 2019 елгы уылдык чәчү чорына күзәтчелек ведомстволарының төп бурычларын билгеләделәр.
Төп докладчылар булып түбәндәгеләр торды: Татарстан Республикасының Биоресурслар буенча дәүләт комитеты рәисе Ф. С. Батков, Росбалыкчылыкның Урта Идел территориаль идарәсенең Татарстан Республикасы буенча дәүләт контроле, күзәтчелеге һәм саклау бүлеге башлыгы урынбасары М. А. Шинкарев, Татарстан Республикасының Экология һәм табигый байлыклар министры урынбасары - Ф. Ф. Шакиров.
Шулай ук, әлеге районнар территориясендә ведомствоара эш төркемнәренең эш нәтиҗәләрен түбәнәйтү сәбәпләре турында, Актаныш һәм Тукай районнарының Башкарма комитетлары җитәкчеләрен дә тыңладылар.
Хәзер ведомстволарның төп бурычлары булып, елга балыгы белән законсыз сәүдә итү; балык тоту максатларында кече судноларны куллануны булдырмау; сулыкларны ташландык тоту коралларыннан чистарту; аеруча саклана торган табигый территорияләрне саклау һәм куллану; су объектларын куллану һәм саклау тора.
Исегезгә төшерәбез, Идел-Каспий бассейны өчен билгеләнгән Балыкчылык кагыйдәләре нигезендә, 2019 елда, Татарстан Республикасы өчен, 25 апрельдән алып 5 нче июньгә кадәр уылдык чәчү вакытында һәвәскәр һәм сәнәгый балык тоту тыела.
Бүген Татарстан Республикасының Биологик ресурслар буенча дәүләт комитетында Арча районында һәркемгә керергә рөхсәт ителгән аучылык-җир (42700 га) суларына аучылык хуҗалыгы килешүе төзү хокукына аукцион үткәрелде.
Аукцион нәтиҗәләре буенча ҖЧҖ «Кордон Зарифа» җиңүче дип танылды.
Җиңүче белән 49 елга хайваннар дөньясы белән файдалану хокукына аучылык хуҗалыгы килешүе төзеләчәк.
Татарстан Республикасының Биологик ресурслар буенча дәүләт комитетының «Спас» дәүләт тыюлыгы белгечләре Халыкара кошлар көненә һәм язны каршылауга багышланган бәйрәм чараларын үткәрделәр.
Спас районының Полянка урта гомуми белем бирү мәктәбендә һәм Болгар урта гомуми белем мәктәбендә тыюлык белгечләре балаларга кошларның нинди файда китерүе, аларның тормышы, әйләнә-тирә дөньяга сакчыл караш турында сөйләделәр. «Халыкара кошлар көне» һәм «Кошлар - безнең дусларыбыз»фильмнары күрсәтелде.
Башлангыч сыйныф укучылары кошлар турында шигырьләр сөйләделәр, җырлар җырладылар, канатлы дуслар турында табышмаклар чиштеләр, кошларны тавышлары буенча таныдылар, тамашачыларга «Кошларны саклагыз»темасына сценка күрсәттеләр. «Кошлар белгечләре»дигән интеллектуаль уен бик күңелле узды.
Балалар конкурска шулай ук сыерчык оялары да ясадылар. Татарстан Республикасының Биологик ресурслар буенча дәүләт комитетыннан барлык призерларга грамоталар тапшырылды. Бәйрәм ахырында барлык сыерчык оялары да мәктәп бакчасында эленде.
Тәтеш шәһәренең «Әкият» балалар бакчасында, «Эко-мәктәп / Яшел байрак» халыкара программасын тормышка ашыру кысаларында, мәктәпкәчә белем бирү хезмәткәрләре өчен, «Идеяләр территориясе» дигән зона экологик фестивале узды.
Чарага «Озын Алан» тыюлыгы хезмәткәрләре дә кушылды. Фестиваль педагогик тәҗрибәне уртаклашу, белем бирү эшчәнлегенең сыйфатын һәм нәтиҗәләрен камилләштерүгә ярдәм итүче инновацион педагогик идеяләрне эзләү, үстерү; педагогларның һөнәри компетентлыгын арттыру, аларның иҗади потенциалын, нәтиҗәле белем бирү технологияләрен куллану буенча иҗади эшчәнлеген үстерү максатыннан үткәрелде.
Педагоглар үз чыгышларын презентацияләр һәм видеорепортажлар ярдәмендә алып бардылар, фестивальдә катнашучылар таныша һәм хәтта аларны практикада сынап карый ала торган, кызыклы һәм танып-белү уеннары, лепбукалар тәкъдим иттеләр.
ТР Дәүләт комитетының «Кичке Таң» тыюлыгы администрациясе Кырынды башлангыч мәктәп-балалар бакчасында Гаилә экологик проектлары конкурсы үткәрде.
Укучыларның һәм аларның ата — аналарының тикшеренү эшләрендә тәкъдим ителгән шактый кызыклы темаларында хайваннарның, кошларның һәм балыкларның яшәү урыннары – бу туфрак, атмосфера һәм су,пычрану проблемалары ачылды. Шулай ук экология буенча проектлар темаларында дөрес ашау, телефоннарның йогынтысы, калдыкларны утильләштерү һәм хуҗасыз хайваннар проблемалары да күтәрелде.
Үткәрелгән экспериментлар, төрле тәҗрибәләр, табигать күзәтүләре турында фоторәсемнәр һәм видеоматериаллар белән ныгытылган презентация, хикәяләр рәвешендә балалар үзләренең ата-аналары белән эшләгән проектларын якладылар.
Гадәттәгечә, чара ахырында җиңүчеләр билгеләнде. Алар Татарстан Республикасының Биологик ресурслар буенча дәүләт комитеты грамоталары белән бүләкләнде.
ТР Әтнә муниципаль районының Олы Әтнә урта мәктәбе нигезендә «Республикабызның биологик төрлелеген саклыйк һәм арттырыйк» дип исемләнгән район экологик конференция узды. Конференция эшендә ТР Әтнә районының 12 мәктәп укучылары катнашты. ТР Дәүләт комитетының "Ашыт" дәүләт тыюлыгы белгечләре-Әхмәтҗанов Р. З., Мөхәммәтҗанова А. Р., Абдрахманова Г. И. үз эшләре, киләчәк максатлар турында сөйләделәр һәм укучылардан әлеге мөһим темага үз фикерләре белән уртаклашырга сорадылар. Балалар үз чыгышларында безнең республиканың биологик төрлелеген саклау һәм арттыру буенча актуаль проблемаларга кагылдылар. Конференциядә чыгыш ясаучыларга һәм актив катнашучыларга Татарстан Республикасының Биоресурслар буенча дәүләт комитеты дипломнары һәм истәлекле бүләкләре бирелде.