ЯҢАЛЫКЛАР

Аучылар игътибарына! Татарстан республикасының хайваннар дөньясы объектларын саклау һәм файдалану Идарәсе ООО "Забава"( Питрәч районындагы аучылык җир-сулары) үз адресын үзгәртте диеп хәбәр итә. Хәзерге көндә оешма Казан, Лесозаводская 8 адресы буенча урнаша. Элемтә өчен телефон: (843) 554 23 52, 89662404009.

Хөрмәтле аучылар! Татарстан республикасының хайваннар дөньясы объектларын саклау һәм файдалану Идарәсе мәгълүмат бирә: Татарстан Республикасы Президентының 12.04.2013 № УП-303 (14.12.2014 № УП-1216 үзгәрешләрр кертелгән) “ Татарстан Республикасының аучылык җир-суларында, аерым саклана торган федераль әһәмияттәге тәбигый территорияләрне кертмичә, аучылыкны булдыру параметрларын билгеләү турында”гы боерыгы белән тәңгәл килеп, 2014 елда Татарстан Республикасы территориясендә язгы ау чоры 19 апрельдә башланачак һәм 28 апрельгә кадәр дәвам итәчәк.

2014 елның 27 мартында Казан шәһәрендә Татарстан Республикасының дәүләт һәм муниципаль хезмәткәрләре арасында шахмат буенча спартакиада башланды.

2014 елның 26 мартында Татарстан республикасының хайваннар дөньясы объектларын саклау һәм файдалану Идарәсендә Иҗтимагый киңәшмә утырышы уздырылды. Киңәшмәнең көн тәртибендә Татарстан Республикасы Президентының “Татарстан Республикасы территориясендә 01.08. 2014- 01.08.2015 чорында аучылык байлыкларын табу лимитын раслау турында”гы боерык проекты каралды. Лимитлар проекты күпчелек тавыш белән якланды. Шулай ук Иҗтимагый киңәшмәнең эшен яхшырту буенча тәкъдимнәр кертелде.

Татарстан республикасының хайваннар дөньясы объектларын саклау һәм файдалану Идарәсе мәгълүмат бирә: 2014 елның 25 мартында Идарә Татарстан Республикасының Экология һәм табигый байлыклар министрлыгына Татарстан Республикасы Президентының “ Татарстан Республикасы территориясендә 01.08. 2014- 01.08.2015 чорында аучылык байлыкларын табу лимитын раслау турында”гы боерык проектын җибәрде. Экспертизага тапшырылган әсбаплар, аучыларның гаризаларыннан чыгып әзерләнгән һәм Россия Федерациясенең Экология һәм табигый байлыклар министрлыгының 2010.30.04. № 138 боерыгы белән расланган, аучылык байлыкларын табуга рөхсәт ителгән нормативлар нигезендә саналган. Табу квоталарын һәм лимитларын санау нигезенә 2014 елда пошиларның, коралайларның, селәүсәннәрнең һәм 2013 елда бурсыкларның санын теркәү әсбаплары ятты. Боерык проекты белән “ Экологик тикшерү” бүлегендә танышырга була.

29 март көнендә сәгать 20.30 алып 21.30 кадәр “Җир сәгате” исемле ел саен үткәрелә торган халыкара чыгыш узачак. Бу чара Бөтендөнья кыргый табигать фонды (WWF) белән мартның соңгы шимбәсендә үткәрелә, һәм ул бөтенебезне - шәхси затларны, оешмаларны, мәктәпләрне, муниципаль оешмаларны, климат үзгәрү мәсьәләсе белән кызыксынуга стимул, энергетик инсаният берләшмә булдыру өчен, бер сәгатькә утны һәм мөһим булмаган электр приборларын (лифтлардан башка) сүндереп торырга чакыра. Узган елны Татарстан Республикасы буенча чыгышта бөтен муниципаль оешмалар, 200 артык эшханәләр һәм оешмалар катнашты. Нәтиҗәдә, саклап калдырылган егәрлек 1 498 000 КВтч тәшкил итте.

Татарстан республикасының хайваннар дөньясы объектларын саклау һәм файдалану Идарәсендә, хайваннар дөньясы объектларын куллануны тикшерү бүлегендә, өлкән белгеч урыны буш. Өстәмә мәгълүмат артыннан телефон буенча мөрəҗəгать итегез. (843) 211 73 81

2014 елның 18 мартында сәгать 18.00 Меңъеллык мәйданында (Үзәк стадион) Крым халкына ярдәм итү һәм аларның Россия белән яңадан кушылу чишелешенә багышланган митинг булды. Бу чарада Крым халкының тарихи сайлавын хуплаган һәм үзләренең гражданлык карашларын күрсәтергә әзер булган Казан халкы катнашты. Татарстан республикасының хайваннар дөньясы объектларын саклау һәм файдалану Идарәсе хезмәткәрләре дә митингта катнаштылар.

2014 елның 18 мартында Татарстан республикасының хайваннар дөньясы объектларын саклау һәм файдалану Идарәсе бинасында “ Хокуксыз балык тотуга каршы көрәш, “Уылдык чәчү-2014” операциясенә әзерлек” сораулары буенча тармакара киңәшмә узды. Киңәшмәдә Татарстан Республикасының Министрлар Кабинеты аппараты, Татарстан республикасының хайваннар дөньясы объектларын саклау һәм файдалану Идарәсе, Татарстан Республикасының Эчке эшләр Министрлыгы, ГБУ «ЦВИТОС хайваннар дөньясы», ФКУ «Үзәк ГИМС Татарстан Республикасы буенча Россиянең Гадәттән тыш шартлар Министрлыгы”, Татарстан Республикасы буенча биологик су ресурсларын тикшерү, саклау һәм күзәтү бүлеге, Татарстан Республикасының Урман хуҗалыгы Министрлыгы, “Татарстан балыкчылары” иҗтимагый оешмасы, ә шулай ук Татарстан Республикасының сәнәгый балык тотучыларның вәкилләре катнашты. Киңәшмәдә “ Уылдык чәчү-2014” операциясе вакытына максатлар куелды һәм аларны чишү юллары билгеләнде.

Россия Федерациясенең төрле регионнарында Крым халкына ярдәм итү өчен акча җыю һәм митинглар үткәрелде. Татарстан республикасының хайваннар дөньясы объектларын саклау һәм файдалану Идарәсе хезмәткәрләре дә кырыйда калмадылар,алар үзләренең бер көнлек эш хакларын ярымутрау халкына күчерәчәкләр.