Бүген, 24 май аенда, республикабызның олуг хайваннар белгече Валериан Иванович Гаранин үзенең 90-еллыгын билгеләп үтә.
Валериан Иванович 1928 елның 24 маенда ТАССРның Спасск шәһәрендә туган. 1952 елда Казан дәүләт университетының биология һәм җир факультетын тәмамлаган. 1965 елда «Идел-Кама төбәге җир-су хайваннары турындагы экологик-фауна фәнни очерк» исемле кандидат диссертациясен яклаган. 1967 елдан башлап бүгенге көнгә кадәр университетта эшен дәвам итә.
Валериан Ивановичның фәнни кызыксыну өлкәсенә хайваннар экологиясе, дүрт аяклылар турындагы фән, табигать саклау, фән тарихы керә. Ул 350-дан артык бастыралган язмалар авторы һәм соавторы, шул исәптән 30-лап монография һәм китап авторы, Татарстанның Кызыл китабының авторларның берсе.
В.И.Гаранин фәнни төркем составында Куйбышев ГЭСның су басу зонасы тирәсендәге хайваннар дөньясын тикшерү буенча экспедиция эшләрендә катнашкан; Татарстанда Спасск төбәгендә генә яшәүче дала кара еланының яңа төрчәсен – Башкиров кара еланын Vipera renardi bashkirovi тасвирлауда катнашкан.
Аның укучылары арасында – табигать тыюлыкларның башлыклары, министлык җитәкчеләре, факультет деканнары, танылган фәннәр докторлары, фәнни институтлар хезмәткәрләре һәм башкалар.
В.И.Гаранин – фронтта катнашкан, 50 елдан артык стажлы укытучы, Халыкара педагогия академиясының әгъза-хәбәрчесе, Бөтенроссия табигать саклау җәмгыятенең һәм А.М.Никольский исемендәге Сөйрәлүчеләр җәмгыятенең мактаулы әгъзасы. «Фидакарь хезмәт өчен» һәм «Хезмәт батырлыгы өчен» медальләре белән бүләкләнгән.