Кайбер төрләргә ау чоры тәмамлана

2019 елның 27 декабре, җомга

Хөрмәтле аучылар, исегезгә төшерәбез, 31 декабрь көнне кыр кәҗәләренә, олы пошиларга, урман киек кошларына һәм соры каргага ау чоры тәмамлана. Рөхсәтнамәдә күрсәтелгән срокларның соңгысы тәмамланганнан соң, ау кагыйдәләренең 3.8 пункты нигезендә, 20 көн эчендә хисап тотарга кирәк - табылган хайваннар турында мәгълүмат таблицасын тутырырга (аулауга  бирелгән рөхсәттән) һәм аны алу урыны буенча  җибәрергә.

Соры  куянга  ау чоры 10 гыйнварда ябыла, ә 1 яшькә кадәрге пошиларга ау чоры 15 гыйнварга кадәр барачак.

Шулай ук ау вакыты белән безнең сайтта «Аучы календаре» бүлегендә танышырга мөмкин.