Татарстанда ТР биоресурслар буенча дәүләт комитеты хезмәткәренә һөҗүм итү факты буенча җинаять эше кузгатылды

Россия Тикшерү комитетының Татарстан Республикасы буенча идарәсе «Хакимият вәкиленә карата көч куллану» РФ Җинаять кодексының 318 статьясының 2 өлеше буенча җинаять эше кузгатты.

Тикшерү билгеләгәнчә, 3 сентябрьдә кичке 8 ләрдә, федераль аучылык күзәтчелеген гамәлгә ашырганда, Хайваннар, үсемлекләр дөньясы һәм аеруча саклаулы табигать территорияләре өлкәсендә дәүләт күзәтчелеге бүлегенең район (районара) җитәкчесенә һөҗүм ясала.Гражданин, физик көч кулланып, буылу халәтенә китерә.  Ул үзенең җинаять эшләре белән зыян күрүчегә тән җәрәхәтләре сала.

 «Хакимият вәкиленә карата тормыш яки сәламәтлек өчен куркыныч булган көч куллану» РФ Җинаять кодексының 318 статьясының 2 өлеше нигезендә ун елга кадәр иректән мәхрүм итү җазасы бирелә.