ТР Биоресурслар буенча дәүләт комитеты 2023 елгы жирәбә нәтиҗәләре буенча аучылык ресурсларын аулауга рөхсәт алу хокукы күчкән икенче чираттагы резервтагылар турында хәбәр итә.
ТР Биоресурслар буенча дәүләт комитеты 2023 елгы жирәбә нәтиҗәләре буенча беренче чираттагы резервтагыларга аучылык ресурсларын аулауга рөхсәт бирүне тәмамлады. Тапшыру нәтиҗәләре буенча билгеләнгән срокта рөхсәт алмаган резервтагылар бар.
Шуңа бәйле рәвештә, аучылык ресурсларын аулауга рөхсәт алу хокукы икенче чираттагы резервтагыларга күчә. Күрсәтелгән затларга Дәүләт комитетына әлеге мәгълүмат урнаштырылганнан соң 10 эш көне эчендә аучылык ресурсларын тотуга рөхсәт алуга гариза белән мөрәҗәгать итәргә кирәк (18 сентябрьгә кадәр, әлеге датаны да кертеп). Әгәр резервтагы кеше рөхсәт алмаса, ул мондый рөхсәт алу хокукыннан мәхрүм ителә, ул резервта булган башка кешеләргә чират тәртибендә күчә.
Рөхсәт алу хокукы күчкән икенче чираттагы резервтагыларның исемлекләре белән сылтама буенча танышырга мөмкин.
Рөхсәтләр алу өчен түбәндәге документлар кирәк:
- рөхсәт алу өчен гариза;
- аучылык билеты (төп нөсхә);
- рөхсәт биргән өчен дәүләт пошлинасын түләү турында квитанция (төп нөсхә);
- хайваннар дөньясы объектларыннан файдаланган өчен салым җыемын түләү турында квитанция (төп нөсхә).
Җыем ставкалары:
- олы кабан – 450 сум;
- бер яшькә кадәрге кабан – 225 сум;
- олы кыр кәҗәсе – 450 сум;
- бер яшькә кадәрге кыр кәҗәсе – 225 сум;
- бурсык – 60 сум.
Түләү турында гариза һәм квитанцияләрне сылтама буенча алырга мөмкин.