ТР Биоресурслар буенча дәүләт комитеты кыйммәтле мехлы җәнлекләргә рөхсәт бирү турында хәбәр итә
ТР Биоресурслар буенча дәүләт комитеты хәбәр итә: бүген һәркемгә керергә рөхсәт ителгән аучылык биләмәләрендә кыйммәтле мехлы җәнлекләрне аулауга гаризалар кабул итү башланды.
Рөхсәт алу өчен, ау күздә тотылган район булу-булмауга карамастан, республика территориясендә күп функцияле үзәкнең теләсә кайсы филиалына мөрәҗәгать итәргә мөмкин.
Рөхсәт бирү түбәндәге документлар нигезендә башкарылачак:
- рөхсәт алу өчен гариза;
- шәхесне раслый торган документ (паспортның төп нөсхәсе);
- аучылык билеты (төп нөсхә);
- рөхсәт биргән өчен дәүләт пошлинасын түләү турында квитанция (650 сум);
- хайваннар дөньясы объектларыннан файдаланган өчен җыем түләү турында квитанция (кондыз һәм сусар аулауга рөхсәт алган очракта).
Гариза бирүче вәкиле тарафыннан түбәндәге документлар булганда рөхсәт алырга мөмкин:
- гади язма формада ышанычнамә (гариза бирүченең һәм ышанычлы затның паспорт мәгълүматларын (сериясе, номеры, кем тарафыннан һәм кайчан бирелгән, яшәү урынын теркәү), кылган гамәлләрне күрсәтү);
- рөхсәт алу өчен гариза;
- ышанычлы затның шәхесен таныклый торган документ (паспортның төп нөсхәсе);
- ышаныч язуы бирүченең шәхесен таныклый торган документ (паспорт күчермәсе);
- ышаныч язуы бирүченең аучылык билеты (төп нөсхә яки күчермәсе);
- рөхсәт биргән өчен дәүләт пошлинасын түләү турында квитанция (650 сум);
- хайваннар дөньясы объектларыннан файдаланган өчен җыем түләү турында квитанция (кондыз һәм сусар аулауга рөхсәт алган очракта).
Кондыз һәм сусар өчен җыем ставкасы – 60 сум (1 баш өчен).
ИГЪТИБАР: КФҮ операторыннан гариза биргәндә, түләүләрне банк картасыннан файдаланып, булган рөхсәт факты буенча башкарырга киңәш ителә.
Ау вакыты:
- төлкегә –15 сентябрьдән 29 февральгә кадәр;
- үр куянына –15 сентябрьдән 29 февральгә кадәр;
- кондызга – 1 октябрьдән 29 февральгә кадәр;
- сусарга – 15 октябрьдән 29 февральгә кадәр.
Аучылык ресурсларын аулау нормасы һәм аучылык биләмәләренең үткәрү сәләте белән сылтама буенча танышырга мөмкин.