Өй җылысын кушып: «Спас» заказнигы хезмәткәрләре махсус операция зонасына посылкалар җибәрделәр

2023 елның 14 декабре, пәнҗешәмбе

Биоресурслар буенча дәүләт комитеты хезмәткәрләре махсус хәрби операциядә катнашучыларга ярдәм күрсәтүне дәвам итәләр. Махсус хәрби операция зонасында булган сугышчылар һәм азат ителгән территорияләрдә яшәүчеләр өчен чираттагы партияне «Спас» заказнигы хезмәткәрләре җыйды. Ике зур посылкага җылы киемнәр, бензин пычкысы һәм Яңа елга бүләкләр тутырылды.

«Максат бер – хәрбиләргә, ирекле сугышчыларга, махсус хәрби операциядә катнашучы якташларга – хәзер алгы сызыкта булганнарга ярдәм итү. Аларның безнең ярдәмебезне, бүгенге вакыйгаларга мөнәсәбәтебезне тоюлары һәм алар белән горурлануыбызны белүләре мөһим», – ди заказник хезмәткәрләре.

Билгеләнгән урынга посылка Россия почтасы белән җибәрелде.