Төлке белән очрашу: Торак пунктларда тәртип кагыйдәләре һәм тәртипкә кергән гадәтләр турында
Соңгы вакытта республикада төлкеләрнең торак пунктларда күренү очраклары ешайды. Шәһәрләргә һәм бистәләргә ерткыч җиңел азык табу мөмкин булганлыктан килеп чыга, азыкны исә ул шәхси сектордагы чүплекләрдә, көнкүреш калдыкларын туплау урыннарында таба, шулай ук җиңел табыла торган хайваннар (кошлар, кимерүчеләр) дә җәлеп итә.
Моннан тыш котыру чире дә төлкеләрнең торак пунктларга килү сәбәбе булырга мөмкин. Ел саен республиканың аучылык биләмәләрендә котыру авыруына каршы ике миллионга кадәр дозада вакцина куела.
Хайванның зарарлануы турында түбәндәге билгеләрдән аңларга мөмкин: гадәти булмаган үз-үзен тотышы, кешедән курыкмавы, томанлы карашы, теленең асылынып торуы, йөрүнең тотрыксызлыгы һәм күп итеп төкереге агу.
Сәламәт төлке беркайчан да кешегә һөҗүм итми, ә аннан качарга тырыша. Аларны без үзебез генә котыртырга мөмкин. Әгәр тешләсә, яраны антисептик белән эшкәртергә һәм табибка мөрәҗәгать итәргә кирәк.
Төлке белән очрашканда түбәндәгеләрне эшләргә кирәк:
- аның игътибарын җәлеп итмәскә;
- җанвар ягына таба бармаска;
- аның качып китүен көтәргә;
- акрын гына китәргә.