Экосукмаклар буенча чаңгыда: Әлмәт районы укучылары «А.И. Щеповских исемендәге «Дала» заказнигы»ның флорасын һәм фаунасын тикшерделәр
Бүген Әлмәт районы укучылары «А.И. Щеповских исемендәге «Дала» заказнигы» экосукмагы буйлап кар дәрьясында калган агачлар арасыннан сәяхәткә чыктылар.
Алар өчен экскурсияне заказник башлыгы Фәрит Динмөхәммәтов үткәрде. Ул аларны аеруча саклана торган табигый территория эшчәнлеге һәм анда үз-үзеңне тоту кагыйдәләре белән таныштырды.
«Бу аеруча саклана торган уникаль табигый территория ТР ның Кызыл китабына кертелгән 40 тан артык үсемлек һәм хайван төре булган флора һәм фауна элементларын сакларга мөмкинлек бирде. Безнең экосукмаклар чаңгыда шуу һәм җәяү йөрү өчен бик яхшы», – диде ул.
Пейзажның матурлыгына сокланган укучылар чаңгыда йөрделәр, юлда сирәк очрый торган үсемлекләр һәм хайваннар, шулай ук экологик сукмакларның табигый үзенчәлекләре турында мәгълүмат белән танышу өчен кечкенә тукталышлар ясадылар.
«Урманга сәяхәт, гадәти эшләр мавыктыргыч шөгыльгә әверелсә, чын маҗарага әйләнә. Пейзажының матурлыгы, уникаль флора һәм фаунасының күптөрлелеге һәркемне гаҗәпләндерә. Бүген без тирә-юнебездәге үсемлек һәм хайваннар дөньясы турында белемнәребезне тагын да киңәйттек», – дип уртаклашалар мәктәп укучылары.
Аларның күбесе табигатьне саклаучылар сафларын тулыландырырга җитди әзерләнә. Алар үз тормышларын әйләнә-тирә мохитне саклау белән бәйләргә уйлыйлар.